جموں // لیفٹنٹ گورنر منوج سنہا نے بجبہاڑہ میں دہشتگردانہ حملے کی مذمت کر تے ہوئے اس واقعہ میں ما رے گئے بہار کے رہنے والے عام شہری راجا شاہ کے لواحقین کے ساتھ تعزیت اور ہمدردی کا اظہا ر کیا ہے ۔ایک بیان میں ایل جی منوج سنہا نے کہا ہے کہ اس حملے کی جس قدر بھی مذمت کی جائے اتنی کم ہے ۔انہوں نے ما رے گئے عام شہری کے لواحقین کے ساتھ تعزیت اور ہمدردی کا اظہا ر کر تے ہوئے اسے ایک بزدلانہ کاروائی قرار دیا ہے۔ایل جی موصوف نے کہا کہ پوری قوم مارے گئے شہری کے کنبے کے شانہ بشانہ کھڑی ہے ۔انہوں نے کہا کہ ہمیں جموں وکشمیر پولیس اور دیگر سکیورٹی ایجنسیوں پر پورا بھروسہ ہے اور میں یقین دلاتا ہوں کہ ایک حملے کے ذمہ دار دہشتگردوں کو بہت بھا ری قیمت چکانا پڑے گی اور انہیں جلد ہی کیفر کر دار تک پہنچایا جائے گا ۔ایل جی نے کہا کہ اس حملے میں ملوث لوگوں کو جلد بے نقاب کرکے اُن لوگوں کے خلاف بھی سکٹ کاروائی ہو گی جو اس طرح کے واقعات کی انجام دہی میں اپنا تعاون پیش کر رہے ہیں ۔