سرینگر:26 ؍جون
لیفٹیننٹ گورنر منوج سِنہا نے آج سری نگر میں جموں و کشمیرکے محکمہ سیاحت کے زیر اہتمام’’جموں و کشمیر ٹورازم ڈیولپمنٹ کنکلیو‘‘سے خطاب کیا۔اُنہوں نے اَپنے خطاب میں صنعت، فلم، ٹریڈ اینڈ ٹریول مینجمنٹ ایجنسیوں کے معززاَرکان کو مُبارک باد دی ۔فٹیننٹ گورنرنے جموں و کشمیر کو ُدنیا کے مقبول ترین سیاحتی مقامات میں سے ایک بنانے کے لئے دیرپا سیاحتی ماڈل تیار کرنے کے لئے یوٹی اِنتظامیہ کی کوششوں کو اُجاگر کیا۔ اُنہوں نے کہاکہ ہم نے کووِڈ وبائی اَمراض کے بعد غیر معمولی ترقی دیکھی ہے اور غیر ملکی سیاحوں میں سال بہ سال تقریباً 300 فیصد اضافہ دیکھا ہے۔اُنہوں نے کہا کہ نئی پالیسیوں، سازگار ماحول، سیاحتی صنعت کے لئے محرک اور نئے تجربات اور سال بھر کے روزگار کے لئے قدر پیدا کرنے پر زیادہ کوششیں اور توجہ دی گئی ہے۔یفٹیننٹ گورنر نے کنکلیو میں جموں و کشمیر کے سیاحتی شعبے کی پیش رفت اور عالمی سیاحتی نقشے پر جموں و کشمیر کو لانے کے بارے میں بتایا۔اُنہوں نے کہا کہ وزیر اعظم نریندر مودی کی رہنمائی میں جموں و کشمیر کے نئے دور نے بین الاقوامی دلچسپی پیدا کی ہے جبکہ مقامی سیاحوں کو بھی جموں و کشمیر کا دورہ کرنے کی ترغیب دی ہے۔ یہ تبدیلی مقامی کمیونٹیوںکو روزگارفراہم کر رہی ہے اور ہمیں ایک جدید سیاحتی صنعت کی تعمیر میں مدد کر رہی ہے۔لیفٹیننٹ گورنر نے کہا کہ ملکی سیاحوں کی آمد میں اضافہ سیاحتی شعبے کی ترقی، متعلقہ کاروباری سرگرمیوں اور روزگار کے فروغ کے لئے صنعت اور کمیونٹیوںکے درمیان شراکت داری کو فروغ دینے کے لئے ہمارے مجموعی نقطہ نظر کی مضبوطی اور صلاحیت کا ثبوت ہے۔اُنہوں نے سیاحتی شعبے کو فروغ دینے اور شراکت داروں کی سماجی و اِقتصادی حالت کو تبدیل کرنے کے لئے اہم طبقات کے بارے میں قیمتی تجاویز دیں۔یفٹیننٹ گورنرنے جموں و کشمیر میں ایڈونچر، بارڈر اور ہیرٹیج ٹورازم، آف بیٹ مقامات، گالف، پرندوں کو دیکھنے اور زرعی سیاحت کے امکانات کو تلاش کرنے کے لئے ماہرین اور صنعتی رہنماؤں سے اِجتماعی کوششوں پر زور دیا۔ اُنہوں نے کہا کہ جموں کشمیر میں سیاحتی شعبے کی ترقی کے لئے کلیدی محرک بن سکتی ہیں۔ُنہوںنے سیاحت اور مہمان نوازی کے شعبے میں زیادہ سے زیادہ نجی سرمایہ کاری کو آسان بنانے کے لئے ایک سٹریٹجک روڈ میپ تیار کرنے پر زور دیا۔اُنہوں نے کہا کہ کئی دہائیوں کے بعد بالی ووڈ کی وادی میں واپسی ہوئی ہے۔ مسابقتی فلم پالیسی نے جموںوکشمیریو ٹی میں ایک متحرک فلمی ماحولیاتی نظام تشکیل دیا ہے۔ آج جموں و کشمیر فلم سازوں کے لئے سب سے پسندیدہ مقام بن گیا ہے۔اُنہوں نے کہا کہ فلم اِنڈسٹری کے ماہرین اور ہمارے نمائندوں کو اس کی پوری صلاحیت کو بروئے کار لانے کے لئے ایک روڈ میپ تیار کرنا چاہئے۔یفٹیننٹ گورنر نے کہا کہ ہمیں سیاحت اور مہمان نوازی کے شعبے میں سہولیات اور وسائل کے لئے کوالٹی سرٹیفکیشن میکانزم کے ذریعے لازمی معیار کو یقینی بنا کر ملک کی قیادت کرنی چاہیے۔اُنہوں نے جدید مارکیٹنگ، آئی ٹی اور ڈیجیٹل ٹولز کے ذریعے جموں و کشمیر کے سیاحتی شعبے کی برانڈ سازی اور فروغ کے بارے میں قیمتی معلومات فراہم کیں۔یفٹیننٹ گورنرنے کہاکہ گزشتہ کچھ برسوں میںہم نے جموںوکشمیر یوٹی میں غیر معمولی سیاحوں کی آمد دیکھی ہے۔اُنہوں نے کہا کہ سیاحوں کے لئے سفر میں آسانی، اعلیٰ کسٹمر ویلیو اور پیشہ ورانہ اور ہنرمند اَفرادی قوت کچھ ایسے شعبے ہیں جن پر ہمیں توجہ مرکوز کرنی چاہیے۔ُنہوں نے ویلیو ایڈیشن اور سیاحوں کے تجربے کو بہتر بنانے کے لئے اِنتظامیہ، کمیونٹی، ٹریول ٹریڈ اوراِنڈسٹری پلیئروںسے سٹریٹجک تعاون پر زور دیا۔لیفٹیننٹ گورنر نے کنکلیوکے دوران ماہرین اور شراکت داروںسے موصول ہونے والی تجاویز اور اِن پٹ پر بروقت عمل درآمد پر زور دیا۔و روزہ ٹورازم ڈیولپمنٹ کنکلیو ۔2024 ء کے دوران شُرکأ جموں و کشمیر میںدیرپا سیاحتی طریقوں کو فروغ دینے کے لئے حکمت عملی ، ترقیاتی ماڈل اور جدید طریقوں پر تبادلہ خیال کریں گے۔نکلیو میں فلم اور انٹرٹینمنٹ اِنڈسٹری سے وابستہ اہم شخصیات جن میں امتیاز علی، وِشال بھردواج، کبیر خان اور سنجے سوری شامل ہیں۔اِس موقعہ پر جی 20شیرپاامیتابھ کانت، لیفٹیننٹ گورنر کے مشیر راجیو رائے بھٹناگر ،چیف سیکرٹری اَتل ڈولو، کمشنر محکمہ سیاحت محترمہ یشا مدگل، سینئر افسران، صنعتی رہنما اور مختلف شراکت داراموجود تھے۔