دسویں محرم کے جلوسوں کے پرامن انعقاد کے لیے تمام انتظامات کئے تھے:: آئی جی پی کشمیر

سرینگر جولائی : انسپکٹر جنرل آف پولیس (آئی جی پی) کشمیر زون وی کے بردی نے بدھ کو کہا کہ کشمیر بھر میں 10ویں محرم کے جلوسوں کے پرامن انعقاد کو یقینی بنانے کے لیے تمام انتظامات کیے گئے تھے ۔انہوں نے بتایا کہ8محرم کے جلوس کے دوران چند شر پسندوں کی جانب سے ضابطوں کی خلادف ورزی کرنے پر مقدم درج کیا گیا ہے جبکہ یہ معامالات زیر تفیش ہے ۔کشمیر نیوز سروس ( کے این ایس ) کے مطابق آئی جی پی کشمیر زون وی کے بردی نے زاڈی بل سری نگر میں صحافیوں سے یوم عاشورہ کے جلوس کے دوران بات کرتے ہوئے کہا کہ دسویں محرم کے جلوسوں کے پرامن انعقاد کو یقینی بنانے کے لیے تمام ضروری انتظامات کیے گئے ہیں۔اس دن کی اہمیت پر زور دیتے ہوئے انہوں نے عوام کو یقین دلایا کہ پولیس نے دیگر سیکورٹی ایجنسیوں کے ساتھ مل کر امن و امان کو برقرار رکھنے کے لیے جامع منصوبہ بندی کی تھی انہوں نے کہا کہ کسی بھی ناخوشگوار واقعے کو روکنے کے لیے اقدامات میں اضافی نفری کی تعیناتی، ٹریفک مینجمنٹ اور مختلف مقامات پر سیکیورٹی چیکنگ شامل ہیں۔آئی جی پی کشمیر نے عوام پر زور دیا کہ وہ حکام کے ساتھ تعاون کریں اور گائیڈ لائنز پر عمل کریں تاکہ پرامن موقع کو پرامن طریقے سے منایا جا سکے۔ایک سوال کے جواب میں انہوں نے کہا کہ سری نگر میں 8 محرم کے جلوسوں کے دوران گائیڈ لائنز کی خلاف ورزی کرنے پر چند شرپسندوں کے خلاف مقدمہ درج کیا گیا ہے اور اس سلسلے میں تحقیقات جاری ہیں۔ایک سوال میں جب ان سے ان شر پسندوں کی تعداد کے بارے میں پوچھا گیا ہے تو انہوں نے کہا کہ اس معاملے میں تفتیش جاری ہے اس لئے فلحال پوری جانکاری فراہم نہیں کر سکتے ہیں۔