بارسوں اونتی پورہ واقعے سے متعلق پولیس کا پریس بیان

اونتی پورہ//اونتی پورہ پولیس نے بتایا کہ 15جولائی کو ایک شہری عادل منظور ولد منظور احمد ڈار ساکن بارسوکی طرف سے اطلاع ملی کہ اس کا بھائی عابد منظور ڈار عمر تقریباً 35 سال پیشہ مزدور صبح سے لاپتہ ہے۔اس کے بعد، پولیس تھا نہ اونتی پورہ میں گمشدگی کی رپورٹ درج کی گئی اور لاپتہ شخص کا پتہ لگانے کے لیے انکوائری کی گئی۔ انہوں نے بتایا کہ لاپتہ شخص کے سی ڈی آر کا تکنیکی تجزیہ کیا گیا اور اس کے نتیجے میں لاپتہ شخص سے آخری بار رابطہ کرنے والے تین افراد کو بلا کر پوچھ گچھ کی گئی۔ انہوں نے انکشاف کیا کہ وہ چاروں بشمول لاپتہ شخص سڑک کے کنارے جوا کھیل رہے تھے اور قریبی پولیس گشت کی نقل و حرکت دیکھ کر وہ گھبرا گئے اور بھاگنے لگے۔ ایک شخص نے انکشاف کیا کہ وہ دریا کے دوسرے کنارے پر گیا، لیکن اسے لاپتہ شخص کا پتہ نہیں تھا۔ پولیس نے جہلم میں کام کرنے والے کشتی والوں اور لاپتہ شخص کے دیگر جاننے والوں سے بھی پوچھ گچھ کی لیکن کوئی سراغ نہیں ملا۔ نتیجتاً، Sdrf ٹیم کو بلایا گیا اوران کی خدمات کو حاصل کیا گیا ہے جنہوں نے بارسو کے قریب لاش پائی۔ ڈاکٹروں کے بورڈ کے ذریعے لاش کا پوسٹ مارٹم کرایا جا رہا ہے۔سیکشن 194 BNSS کے تحت تحقیقات/انکوائری شروع کر دی گئی ہے اور تفتیش کے دوران تمام حقائق کو سامنے رکھا جا رہا ہے۔ پولیس کیس کی تفتیش کر رہی ہے۔ لوگوں کو مشورہ دیا جاتا ہے کہ وہ قانون کو اپنے ہاتھ میں نہ لیں اور بے بنیاد افواہیں نہ پھیلائیں بلکہ انکوائری/تفتیش میں تعاون کریں۔