شوپیان/29اگست2024ئڈِسٹرکٹ الیکشن آفیسر ( ڈِی اِی او)شوپیاں فضل الحسیب نے ضلع میں اسمبلی اِنتخابات کے پرامن اِنعقاد کےلئے ماڈل کوڈ آف کنڈکٹ ( ایم سی سی ) اور دیگر ایس او پیز پر سختی سے عمل درآمد کو یقینی بنانے کےلئے آج منی سیکرٹریٹ شوپیاں میں فلائنگ سکارڈ اور سٹیٹک سرویلنس ٹیموں (ایف ایس ٹی اور ایس ایس ٹی) کے مجسٹریٹوں کی میٹنگ طلب کی۔
اِس موقعہ پر ڈِسٹرکٹ الیکشن آفیسر نے خطاب کرتے ہوئے افسران پر زور دیا کہ وہ انتہائی احتیاط اور سنجیدگی سے انتخابی فرائض سرانجام دیں اور ضلع میں آزادانہ، منصفانہ اور آسان اِنتخابی عمل کو یقینی بنانے کے لئے زمینی سطح پر فعال رہیں۔
ڈِسٹرکٹ الیکشن آفیسر نے افسران کو آزادانہ اور منصفانہ اِنتخابات کے اِنعقاد کے لئے الیکشن کمیشن آف انڈیا کے ایس او پیز کے تحت ان کے اہم کردار اور ذمہ داری سے آگاہ کیا اور اسے اَپنے علاقو ں میں سختی سے عملانے پر زور دیا۔اُنہوں نے اُن سے کہا کہ وہ اپنے مجسٹریٹ اِختیارات کا اِستعمال کرتے ہوئے ماڈل کوڈ آف کنڈکٹ( ایم سی سی ) کو سختی سے عملائیں۔
اُنہوں نے تمام متعلقہ افسران کو ہدایت وی کہ وہ اِنتخابی مہم کی نگرانی،اِنتخابی ضابطہ اخلاق کی خلاف ورزیوں کی فوری اطلاع دینے، سی ۔ویجل پر شکایات کا سراغ لگانے، چیک پوائنٹس پر سخت نگرانی کو یقینی بنائیں تاکہ نقد رقم اور غیر قانونی لین دین کو روکا جاسکے۔
اِس موقعہ پر ایم سی سی کے نوڈل آفیسر ڈاکٹر ذاکر حسین فاض،ڈِپٹی ڈی اِی او جہانگیر احمد اور ایف ایس ٹی اور ایس ایس ٹی کے دیگر متعلقہ مجسٹریٹس موجود تھے۔
