سرینگر//گزشتہ کئی روز کی شدید گرمی کے بعد موسم نے کروٹ لی اور میدانی و بالائی علاقوں میں ہلکی بارشوں کے ساتھ ساتھ شمالی کشمیر کے ایک مشہور سکی ریزورٹ گلمرگ کے افروات میں موسم کی پہلی برف باری ہوئی ہے جبکہ وادی کشمیر کے اکثر علاقوں میں جمعہ کے صبح سے ہلکی بارشیں ہونے کے نتیجے میں شدید گرمی سے لوگوں کو راحت ملی ۔کشمیر نیوز سروس ( کے این ایس ) کے مطابق محکمہ موسمیات کی پیش گوئی کے عین مطابق جمعہ کی صبح سویرے سے مختلف میدانی و بالائی علاقوں میں ہلکی بوندا باندی ہوئی ہے جس کے ساتھ ہی مشکور سکی رزاٹ افروٹ گلمرگ میںصبح سویرے سے 2 انچ برفباری ریکارڈ کی ہے اس طرح سے یہاں رواں سیزن کی پہلی برف باری وادی میں ریکارڑ ہوئی۔ جمعہ کے جموں و کشمیر کے کچھ حصوں میں بھی تازہ بارش ہوئی، جس سے تقریباً پانچ دنوں تک گرمی کی لہر کے بعد پارہ نیچے آگیا۔اس دوران جمعہ کے روز پوری وادی میں عمومی طور موسم ابر آلود رہا جبکہ بعد دو پہر کچھ علاقوں میں دھوپ نکل آئی۔محکمہ موسمیات نے بتایا کہ اس طرض سے5اکتوبر تک موسم خشک رہنے کا امکان ہے ۔خیال رہے وادی کشمیر میں ان دنوں ہر کوئی کسان اپنے میوہ باغات ،شالی،مکی ۔اور گھاس کی کٹائی میں مصروف ہے ۔
