سری نگر:۶۱ ،اکتوبر:ج : جموں و کشمیر کے نامزد وزیر اعلیٰ عمر عبداللہ نے بدھ کو اپنی حلف برداری سے قبل یہاں درگاہ حضرت بل میںحاضری دی اور مرکز کے زیر انتظام علاقے کے امن اور خوشحالی کے لیے دعا کی۔جے کے این ایس کے مطابق عمر عبداللہ، جنہوںنے جموں و کشمیر کے مرکزی علاقے کے پہلے وزیر اعلیٰ کے طور پر حلف اُٹھا یا، نے حلف برداری سے قبل یہاں کی مشہور ڈل جھیل کے کنارے واقع تاریخی درگاہ حضرتبل میں حاضری دی، جس میں پیغمبر اسلام ﷺکے مقدس تبرکات موجود ہیں۔ مقامی لوگوں نے نامزد عمرعبداللہ کاوالہانہ اندازمیں خیر مقدم کیا،اوراُن پر پر ٹافیاں برسائیں۔اس دوران عمرعبداللہ نے اپنے دادااور نیشنل کانفرنس کے بانی مرحوم شیخ عبداللہ کو خراج عقیدت پیش کیا۔ عمر عبداللہ نے حلف برداری سے قبل دادامرحوم کے مزار پر حاضری دی۔پٹھانی سوٹ اور کوٹ میں ملبوس، 54 سالہ عمر عبداللہ نے اپنے دادا مرحوم شیخ عبداللہ کے قبرستان میں پھولوں کی چادر چڑھائی۔اور مرحوم کے حق میں دعائے مغفرت کی
