سرینگر 7 دسمبر 2024 ئ جموں اور کشمیر کے لوگوں کے ساتھ براہ راست رابطے بڑھانے کی جانب ایک اہم قدم کے طور پر وزیر اعلیٰ عمر عبداللہ نے آج وزیر اعلیٰ کے پبلک سروسز اور آو¿ٹ ریچ آفس میں اپنی افتتاحی عوامی بات چیت کی ۔
اس موقع پر وزیر اعلیٰ نے کہا کہ یہ دفتر عوامی شکایات کے ازالے ، حکومت اور شہریوں کے درمیان صحت مندانہ تعلقات استوار کرنے کیلئے ایک سرشار پلیٹ فارم فراہم کرنے کیلئے قائم کیا گیا ہے ۔ تقریباً 15 وفود نے وزیر اعلیٰ سے ملاقات کی جن میں سے ہر ایک مختلف سماجی ، ثقافتی اور پیشہ ور گروہوں کی نمائندگی کر رہا تھا ۔ اقتصادی چیلنجوں ، ثقافتی تحفظ ، روز گار کے خدشات اور شعبہ جاتی ترقی کے ارد گرد بات چیت کی گئی اور وزیر اعلیٰ کے نوٹس میں لایا گیا ۔ منفرد ثقافتی ورثے کے تحفظ کو بھی بات چیت میں نمایاں طور پر پیش کیا گیا ، وفود نے جموں اور کشمیر کے امیر ورثے کو فروغ دینے ، مقامی زبانوں کے تحفظ اور سماجی بہبود کے پروگراموں کو نافذ کرنے کے اقدامات کی وکالت کی ۔ وزیر اعلیٰ نے ان خدشات کو غور سے سُنا اور خطے کی منفرد شناخت کے تحفظ کیلئے ہم آہنگی کی ضرورت پر زور دیا ۔
