سرینگر// : کشمیر کے جل شکتی محکمہ کے چیف انجینئر برہم جیوتی شرما نے بدھ کو کہا کہ حکومت ممکنہ طور پر پہلے مرحلے کے تحت تجارتی اداروں پر پانی کے میٹر لگائے گی۔کشمیرنیوز سروس ( کے این ایس ) کے مطابق شرما نے کہا کہ جل شکتی محکمہ نے ہر گھر جل یوجنا اسکیم کے تحت 88 فیصد گھرانوں کا احاطہ کیا ہے جنہیں نل کا پانی فراہم کیا گیا ہے۔ ہر گھر جل یوجنا اسکیم کے تحت اب تک 88 فیصد نل کے پانی کے کنکشن مکمل ہو چکے ہیں۔ جل جیون مشن کے تحت محکمہ مرکز اور ریاستی سطحوں سے اسکیموں کے کام اور نفاذ کی نگرانی کر رہا ہے۔ کام جاری ہے اور ہاو¿س ہولڈ ٹیپ کنکشن (HTC) کے تحت 88 فیصد کام مکمل ہو چکا ہے، جب کہ باقی کام جاری ہے۔انہوں نے کہا کہ حکومت نے اس منصوبے کی تکمیل کے لیے 31 مارچ 2025کی آخری تاریخ مقرر کی ہے۔پانی کے منصفانہ استعمال پر، انہوں نے کہا کہ حکومت ممکنہ طور پر فیز 1 کے دوران تجارتی اداروں میں پانی کے میٹر لگائے گی۔یہ حکومت کے زیر غور ہے۔ تاہم پہلے مرحلے میں ممکنہ طور پر تجارتی اداروں میں پانی کے میٹر نصب کیے جائیں گے، پھر حکومت کے حکم کے مطابق اس میں مزید توسیع کی جائے گی۔
