سرینگر//بی جے پی کے جنرل سکریٹری (تنظیم) اشوک کول نے ہفتہ کو کہا کہ جموں و کشمیر کے لوگ وزیر اعلیٰ عمر عبداللہ کے پیش کردہ بجٹ سے ناخوش ہیں۔کشمیرنیوز سروس ( کے این ایس ) کے مطابق انہوں نے کہا کہ بجٹ میں جموں و کشمیر کے لوگوں کے لیے کوئی خاص فائدہ نہیں ہے۔کول نے نشاندہی کی کہ بجٹ میں نیشنل کانفرنس حکومت نے اپنے منشور میں کئے گئے وعدوں کو پورا نہیں کیا، جیسے گھرانوں کو 12 ایل پی جی سلنڈر فراہم کرنا۔انہوں نے ایندھن کی قیمتوں میں اضافے پر بھی روشنی ڈالی، پیٹرول اور ڈیزل کی قیمتوں میں 1سے2روپے فی لیٹر اور ہوابازی کے ایندھن کی قیمت میں 5 فیصد اضافے کی تجویز ہے۔یہ بجٹ اخراجات کو کم کرنے کے بارے میں نہیں ہے۔ اس کے بجائے، یہ زندگی کو مزید مہنگا بنا دیتا ہے،” کول نے سری نگر میں نامہ نگاروں کو بتایا۔ اس بجٹ میں کچھ خاص نہیں ہے۔ جب کہ انہوں نے کئی اسکیموں کا اعلان کیا ہے، ان میں سے زیادہ تر مرکزی اسکیمیں ہیں، اور جموں و کشمیر کو ان اسکیموں کے تحت صرف بڑھی ہوئی مالی امداد ملے گی۔ اس بجٹ میں ایسا کچھ نہیں ہے جو جموں و کشمیر کے لوگوں کو خوش کرے۔جموں و کشمیر کے وزیر اعلیٰ عمر عبداللہ نے جمعہ کو مرکزی زیر انتظام علاقہ کا پہلا بجٹ پیش کیا، جو گزشتہ سات سالوں میں منتخب حکومت کا پہلا بجٹ بھی تھا۔عبداللہ نے انتودیا انا یوجنا (AAY) خاندانوں کے لیے 200 یونٹ مفت بجلی دینے کا بھی اعلان کیا۔بی جے پی لیڈر کول نے اس اقدام کا خیرمقدم کیا لیکن حکومت سے تمام گھرانوں کو 200مفت یونٹ فراہم کرنے کے اپنے پہلے وعدے پر سوال کیا۔ہم انتیودیا خاندانوں کے لیے تعاون کی تعریف کرتے ہیں، لیکن ہر گاو¿ں میں ایسے چند ہی خاندان ہیں۔ ہر ایک کو 200 یونٹ مفت دینے کا وعدہ تھا، جو پورا نہیں ہوا۔وزیر اعلیٰ عمر عبداللہ کے تبصرے پر تبصرہ کرتے ہوئے کہ "آپ کو پاکستان کے زیر قبضہ کشمیر (پی او کے) لینے سے کون روک رہا ہے”، کول نے کہا کہ یہ محض طنز ہے۔یہ طعنوں کی بات نہیں ہے۔ عمر کی جموں و کشمیر کے لیے اتنی ہی ذمہ داری ہے جتنی میری ہے۔ ان کا تبصرہ مناسب نہیں ہے۔ مجھے نہیں لگتا کہ ہمارے سی ایم کو اس طرح کے بیانات دینے چاہئیں،“ کول نے کہا۔
