حکومت موجودہ صحت سہولیات کو مستحکم کرنے پر توجہ دے رہی ہے ۔ سکینہ اِیتو

جموں/15مارچ2025ئوزیر برائے صحت و طبی تعلیم سکینہ اِیتو نے آج قانون ساز اسمبلی کو مطلع کیا کہ حکومت نئے بنیادی ڈھانچے کی تشکیل اورتعمیر کے بجائے موجودہ صحت سہولیات کو مستحکم کرنے پر کام کر رہی ہے۔وزیر موصوفہ ایوان میں رُکن قانون ساز مشتاق احمد گورو کی طرف سے اُٹھائے گئے سوال کا جواب دے رہی تھیں۔ اُنہوں نے ایوان کو آگاہ کیا کہ حکومتی حکم نامہ628۔ایچ ایم اِی آف2016 بتاریخ3 دسمبر 2016کے مطابق این ٹی پی ایچ سی برزلہ کو ایم ایم سی صنعت نگر سری نگر منتقل کیاگیا جہاں یہ اَپنی تمام سہولیات اور عملے کے ساتھ فعال ہے۔ اُنہوں نے مزید بتایا کہ اس مرکز کے اوقات کار دیگر اِداروں کے مطابق صبح10 بجے سے شام 4بجکر 30 منٹ تک مقرر کئے گئے ہیں۔وزیر موصوفہ نے بتایا کہ ایم ایم سی صنعت نگر ایک جی پلس وَن عمارت میں کام کر رہا ہے اور اِس وقت عمارت کے گراﺅنڈ فلو میں او پی ڈی اور حفاظتی ٹیکہ کاری (امیونائزیشن)کی سہولیت فراہم کی جا رہی ہے جبکہ پہلی منزل پر یوتھ رِی ہیبلٹیشن سینٹر اور مینٹل کیئر ہیلتھ فیسلٹی سینٹر قائم ہے ۔