سکینہ اِیتو نے کھل کولگام میں این ٹی پی ایچ سی اور شیپ ایکسٹینشن سینٹر کا اِفتتاح کیا

کولگام/وزیر برائے صحت وطبی تعلیم، سماجی بہبود اور تعلیم سکینہ اِیتو نے آج ضلع کولگام کے ڈِی ایچ پورہ کے کھل گاو¿ں میں نیو ٹائپ پرائمری ہیلتھ سینٹر (این ٹی پی ایچ سی) اور شیپ ایکسٹینشن سینٹرکا اِفتتاح کیا۔نیو ٹائپ پرائمری ہیلتھ سینٹر (این ٹی پی ایچ سی) کا قیام 1.88 کروڑ روپے کی لاگت سے عمل میں لایا گیا ہے جس کا مقصد کھل اور ملحقہ علاقوں کے رہائشیوں کو بہتر صحت سہولیات فراہم کرنا ہے۔آر اینڈ بی ڈیپارٹمنٹ نے شیپ ایکسٹینشن سینٹر 40.62 لاکھ روپے کی لاگت سے مکمل کیا ہے ۔مویشیوں کے معمول کے علاج، چھوٹے آپریشنز، توسیعی سرگرمیاںاوربیداری سرگرمیوں میں معاونت فراہم کرے گا۔