سرینگر: ۹۱،جولائی : : 16دنوںمیں زائد از 2لاکھ 70ہزار یاتریوں کی جانب سے امرناتھ گھپامیں حاضری کے بیچ ہفتہ کو دونوں راستوں سے یاترا خوش اسلوبی کیساتھ جاری رہی جبکہ اس دوران ہفتہ کی صبح بھگوتی نگر جموں بیس کیمپ سے 2قافلوںمیں روانہ ہونے والے 6ہزارسے زیادہ یاتری بعدددوپہر بال تل اور نون ون پہلگام بیس کیمپ پہنچ گئے۔جے کے این ایس کے مطابق سالانہ امرناتھ جی یاترا 2025کے سلسلے میں ملک کے کونے کونے سے عقیدت مند شری امرناتھ جی یاترا کے لیے جموں و کشمیر پہنچ رہے ہیں۔ شراون کے مقدس مہینے کے دوران، یاتری قابل احترام امرناتھ غار میں بھگوان شیو کی الہی نعمتوں کو حاصل کرنے کے لیے اس روحانی سفر کا آغاز کرتے ہیں ، جو ان کے ایمان اور عقیدت کے راستے میں ایک انتہائی اہم سنگ میل ہے۔ ہفتہ کی صبح بھگوتی نگر جموں بیس کیمپ سے 2قافلوںمیں روانہ ہونے والے 6365 یاتری بعدددوپہر بال تل اور نون ون پہلگام بیس کیمپ پہنچ گئے۔جن میں 1499خواتین اور441بچے بھی شامل ہیں۔حکام نے بتایا کہ یاتری، جن میں135 سادھو اور سادھویاں شامل تھیں، دن کی اولین ساعتوں میں سخت حفاظتی انتظامات کے تحت الگ الگ قافلوں میں اننت ناگ میں ننوان پہلگام اور گاندربل کے بالتال کے جڑواں بیس کیمپوں کے لیے روانہ ہوئے۔حکام نے بتایا کہ بھگوتی نگر جموں بیس کیمپ سے 2قافلوںمیں روانہ ہونے والے 6ہزارسے زیادہ یاتری بعدددوپہر بال تل اور نون ون پہلگام بیس کیمپ پہنچ گئے۔ 38 روزہ سالانہ یاترا 3 جولائی کو دونوں راستوں سے شروع ہوئی اور 9 اگست کو رکشا بندھن کے تہوار کے موقع پر ختم ہوگی۔اب تک2.75 لاکھ سے زیادہ یاتریوں نے امرناتھ گھپامیں حاضری دی اور شیو لنگم کے درشن کئے۔
