لیفٹیننٹ گورنر نے اوڑی کے سرحدی دیہات لگامہ اور گنگل میں پاکستان کی بلا اشتعال گولہ باری سے شہری علاقوں اور رہائشی مکانات کو پہنچنے والے نقصان کا جائزہ لیا

سری نگر/09مئی2025ئلیفٹیننٹ گورنر منوج سِنہا نے آج اُوڑی کے سرحدی دیہات لگامہ اور گِنگل کا دورہ کیا جہاں پاکستان کی جانب سے بلا اشتعال گولہ باری کے نتیجے میں شہری علاقوں اور رہائشی مکانات کو نقصان پہنچا ہے۔اُنہوں نے دورے کے دوران مقامی باشندوں سے بات چیت کی اور ضلعی اِنتظامیہ کو متاثرہ کنبوں کو فوری اِمداد فراہم کرنے اور ان کی حفاظت کو یقینی بنانے کی ہدایت دی۔بعد ازاں، لیفٹیننٹ گورنر نے بارہمولہ میں قائم محفوظ پناہ گاہ کا دورہ کیااور اُنہوں نے وہاں بلا اشتعال فائرنگ سے متاثرہ کنبوں کے اَفراد سے ملاقات کی۔ اُنہوں نے متاثرین کو یقین دِلایا کہ وزیرِاعظم نریندر مودی ان کی سلامتی و حفاظت کے لئے تمام ممکنہ اَقدامات کر رہے ہیں اور اوڑی کے ہر باشندے کی حفاظت کے لئے ضروری اقدامات کئے جا رہے ہیں۔
اُنہوں نے گورنمنٹ میڈیکل کالج بارہمولہ میں زخمی اَفراد سے بھی ملاقات کی اور اُن کی جلد صحتیابی و شفایابی کے لئے دُعا کی۔ اُنہوں نے متعلقہ اَفسران کو بہترین علاج و معالجہ کی فراہمی کی ہدایت دی۔
لیفٹیننٹ گورنر نے کہا ،”قوم تمام پہلوو¿ں سے متاثرہ کنبوں کے ساتھ دل و جان سے ہے۔ ہم دشمن کو شکست دے کر ان کے مصائب کا بدلہ لیں گے۔“
اُنہوں نے اس عزم کا اعادہ کیا کہ حکومت اور اِنتظامیہ اوڑی کے لوگوںکے ساتھ مکمل یکجہتی کے ساتھ کھڑی ہے اور اُن کی ہر ممکن مدد کی جائے گی۔