سید اعجاز
ترال//ترال کے مین بازار کے راتھر محلہ اور نائیک محلوں سے تعلق رکھنے والی خواتین نے ترال نودل اونتی پورہ سڑک پر سنیچر کے روز نکل کر محکمہ کے خلاف احتجاجی دھرنا دیا ۔احتجاج میں شامل خواتین نے بتایا کہ انہیں گزشتہ ایک ہفتے سے پینے کے صاف پانی کا مسئلہ ہےجس کی وجہ سے دونوں محلوں کی آبادی پریشانیوں سے دو چار ہیں انہوں نے بتایا جب جب پانی آتا بھی ہے وہ ناقابل استعمال ہے انہوں نے بتایا پانی کے ساتھ اکثر کیچڑ آتا ہے ۔احتجاجیوں نے بتایا محکمہ آتا ہے کہتے ہیں کہ بارش کا انتظار کرو ۔انہوں نے بتایا گندے پانی کے استعمال سے اس بستی کے لوگ بیماریوںمیں مبتلا ہوئے ۔اس دوران بعد میں پولیس کی یقین دہانی کے بعد خواتین نے اپنا احتجاج ختم کیا ۔ ادھر مندورہ ترال ،کے لوگوں نے بتایا کہ ان کی بستی میں گزشتہ کئی ہفتوں سے متعدد چھوٹے بچے یرقان میں مبتلا ہوئے ہیں ۔علاقے سے آئے ہوئے وفد نے بتایا محکمہ صحت کی ایک ٹیم نے بھی حال ہی میں یہاں کا دورہ کیا اور انہوں نے بتایا کہ یرقان گندے پانی کے استعمال کی وجہ سے ہوئی لیکن تاحال کوئی موثر اقدام نہیں اٹھایا گیا ہے جبکہ بیماری کا سلسلہ برابر جاری لوگوں نے دعویٰ کیا ہے ہر گھر میں تقریباً بچہ بیمار ہے انہوں نے بتایا اگر یقین نہ آئے لوگ حکام ہسپتال سے جانکاری حاصل کر سکتے ہیں انہوں نے اس بارے میںحکام سے فوری مداخلت کی اپیل کی ہے ۔
