سید اعجاز
ترال//ڈسٹرکٹ ڈیولوپمنٹ کونسل ( ڈی ڈی سی ) ممبران کے ترقیاتی فنڈ کو منتقل کرنے پر ممبران نے تشویش کا اظہار کرتے ہوئے کہا یہ دہی علاقوں میں رہائش پزیر لوگوں کے ساتھ نا انصافی ہے ۔ترال میں سنیچر کے روز ڈی ڈی سی ترال ڈاکٹر ہر بخش سنگھ نے بتایا کہ جب سے ڈی ڈی سی وجود میں آیا تب سے ہی پنچائیت میں بہتر انداز میں تعمیر و ترقی زمینی سطح پر نظر آنے لگی ہے ۔انہوں نے کہا ضلع پلوامہ میں سال2024-25 کے پہلے سے ہی کروڑوں روپے واجب الادا ہے ۔انہوں نے کہا وقت پر ٹھیکہ داروں کو بلیں واگزار نہیں کی گئی ہے جبکہ وعدہ کیا گیا تھا کہ یہ فراہم کی جائیں گی۔انہوں نے کہا اس اقدام سے جہاں لوگوں میں غم و غصہ پایا جا رہا ہے وہی دوسری جانب ممبران نے بھی اس پر تشویش کا اظہار کیا ہے ۔انہوں نے اس فیصلے کی نظر ثانی کا مطالبہ کیا ہے انہوں نے بتایا کہ ہم نے گرام سبھا منعقد کی ہے لوگوں نے کام چن لئے ہیں اب ہم بھی ان کے سامنے کیا جواب دیں گے ۔انہوں نے کہ ہم کسی بھی طرح اس چیز کو کامیاب نہیں ہونے دیں گے۔ڈاکٹر ہر بخش سنگھ نے بتایا کہ یہ لوگوں کے ٹیکس کا پیسہ ہے اس کو یہ منتقل نہیں کر سکیں گے ۔
