بھارتیہ جنتا پارٹی (بی جے پی) نے جموں و کشمیر کے آئندہ اسمبلی ضمنی انتخابات کے لیے اپنے امیدواروں کا اعلان کرتے ہوئے دیویانی رانا کو نگروٹا اور آغا سید محسن کو بڈگام حلقوں کے لیے نامزد کیا ہے۔کشمیرنیوز سروس ( کے این ایس ) کے مطابق بدھ کے روز دونوں کو ناموں کا اعلان کیا گیا ہے ۔ان ناموں کو بی جے پی کی سنٹرل الیکشن کمیٹی نے کلیئر کر دیا تھا اور بدھ کو ہی نئی دہلی میں پارٹی ہیڈکوارٹر سے جاری ایک سرکاری ریلیز کے ذریعے ان کو عام کیا گیا تھا۔قابل ذکر بات یہ ہے کہ دیویانی رانا آنجہانی دیویندر سنگھ رانا کی بیٹی ہیں، جنہوں نے پہلے نگروٹہ اسمبلی حلقہ کی نمائندگی کی تھی اور آغا سید محسن بڈگام سے بی جے پی کے سینئر لیڈر ہیں۔
