دانتوں کے ڈاکٹر صرف دانتوں کے ڈاکٹر نہیں ہیں ، وہ حفاظتی اور نظامی صحت کی دیکھ بھال کا اہم حصہ ہیں ۔ سکینہ ایتو

سرینگر 18 اکتوبر 2025 ئ وزیر صحت و میڈیکل ایجوکیشن ، سماجی بہبود اور تعلیم سکینہ ایتو نے یہاں شیر کشمیر انٹر نیشنل کانفرنس سینٹر ( ایس کے آئی سی سی ) میں 16 ویں انڈین ڈینٹل ایسوسی ایشن جموں و کشمیر ڈینٹل کانفرنس سے خطاب کیا ۔ اجلاس سے خطاب کرتے ہوئے وزیر موصوفہ نے جموں و کشمیر کے صحت کے نظام کو مضبوط بنانے میں دانتوں کے پیشہ ور افراد کی اہم شراکت کو سراہا ، انہوں نے زور دیا کہ Oral صحت مجموعی تندرستی کی بنیاد ہے اور اسے عوامی صحت کی پالیسیوں میں زیادہ نمایاں طور پر شامل کیا جانا چاہئیے ۔ صحت کی وزیر نے نشاندہی کی کہOral صحت عام طور پر لوگوں کیلئے ایک نظر انداز شدہ پہلو ہے ، لیکن حالیہ دنوں میں لوگوں نے سمجھ لیا ہے کہ Oral صحت ذیابطیس، دل کی بیماریوں اور سانس کے انفیکشن جیسی نظامی بیماریوں کی روک تھام میں اہم کردار ادا کرتی ہے ۔ صحت کی وزیر نے مزید کہا کہ حالیہ برسوں میں Oral حفظانِ صحت کے طریقوں اور دانتوں کے معائنوں کو لوگوں ، خاص طور پر نوجوان نسل کیلئے ایک ضروری معمول کے طور پر اپنانا شروع ہوا ہے ۔ انہوں نے دانتوں کے ڈاکٹروں اور شرکاءسے گذارش کی کہ وہ لوگوں کو باقاعدہ Oral حفظانِ صحت کے طریقوں اوردانتوں کے معائنوں کو اپنی صحت کی دیکھ بھال کا لازمی حصہ بنانے کے بارے میں آگاہ کریں ۔