سر ی نگر/ وزیر اعلیٰ عمر عبداللہ نے آج یہاں ’رابطہ ‘ میں عوامی نمائندوں اور مختلف وفود سے ملاقات کی اور ترقیاتی امور، عوامی فلاح و بہبود اور دیگر عوامی اہمیت کے معاملات سے متعلق ان کے مسائل و مطالبات بغور سُنا۔ممبر اسمبلی بڈگام آغا سیّد منتظر مہدی نے وزیر اعلیٰ سے ملاقات کی اور اَپنے حلقہ انتخاب سے متعلق مسائل پر تبادلہ خیال کیا۔ رُکن قانون ساز اسمبلی ہیرانگر وِجے کمار اورممبر اسمبلی بشناہ راجیو کمار بھی وزیر اعلیٰ سے ملاقی ہوئے اور اپنے اَپنے حلقوں سے متعلق ترقیاتی منصوبوں اور عوامی فلاح و بہبود کے مختلف معاملات سے انہیں آگاہ کیا۔ سابق ممبر اسمبلی اندروال قاضی جلال الدین نے بھی وزیر اعلیٰ سے ملاقات کی اور اپنے علاقے سے متعلق عوامی اہمیت کے مختلف مسائل پر بات چیت کی۔وائش چانسلر کلسٹر یونیورسٹی سری نگر پروفیسر محمد مبین بھی وزیر اعلیٰ سے ملاقی ہوا اور یونیورسٹی سے متعلق مختلف امور پر تبادلہ خیال کیا۔
سینئر صحافی عبدال مہجور نے بھی متعدد دیگر اَفراد کے ہمراہ وزیر اعلیٰ سے ملاقات کی۔وزیر اعلیٰ نے تمام وفود اور اَفراد کو بغور سُنا اور انہیں یقین دِلایا کہ ان کے حقیقی مسائل کا جائزہ لے کر مقررہ مدت کے اندر ان کا اَزالہ کیا جائے گا۔
