میل ڈیسک
سرینگر//جموں و کشمیر میں وقفے وقفے سے بارشوں کا سلسلہ جاری ہے جس کے نتیجے میں ندی نالوں کی سطح آمیں اضافہ ہو اہے۔اس دوران موسم کی خرابی کے باعث انتظامیہ نے سرینگر جموں قومی شاہراہ کو بند کر دیا ہے جبکہ امرناتھ یاترا بھی 19 جولائی سے بدستور معطل ہے۔ سرینگر میں حکام نے لوگوں کو جہلم کے پشتوں سے دور رہنے کی اپیل کی ہے۔جموں و کشمیر ٹریفک پولیس کے مطابق، مسلسل بارش کی وجہ سے جموں سرینگر قومی شاہراہ (NH44) متعدد مقامات پر مٹی کے تودے گرنے اور پتھر گرنے کی وجہ سے گاڑیوں کی آمدورفت کے لیے ابھی تک بند ہے۔پولیس نے مسافروں کو مشورہ دیا ہے کہ وہ اس وقت تک سفر کرنے سے گریز کریں جب تک کہ سڑک کو ٹریفک کے لیے محفوظ اور قابل سفر قرار نہیں دیا جاتا، کیونکہ مزید لینڈ سلائیڈنگ اور پتھراو¿ کا خدشہ ہے۔جموں و کشمیر میں 19 جولائی سے مسلسل بارش کی وجہ سے اسکول، شاہراہیں، امرناتھ یاترا بند ہو گئی ہیں اور روزمرہ کی زندگی متاثر ہوئی ہے۔ امرناتھ یاترا 20جولائی سے بدستور معطل ہے جبکہ دیگر یاترا جیسے ماتا ویشنو دیوی، مچیل یاترا اور شیو کھوری یاترا بھی معطل ہیں۔جموں و کشمیر کے ایل جی منوج سنہا نے جمعرات کو سرینگر میں امرناتھ یاترا کی سیکورٹی کا جائزہ لیا اور حکام کو ہدایت کی کہ وہ خراب موسم کی وجہ سے یاترا کو اگلے احکامات تک روک دیں۔
