سری نگر/لیفٹیننٹ گورنرمنوج سِنہانے جمعہ کے روز نون وَن بیس کیمپ کا دورہ کیا اور شری امرناتھ جی یاترا کے یاتریوں کے لئے فراہم کی گئی سہولیات کا معائینہ کیا۔اُنہوں نے بیس کیمپ میں سینئر حکام کے ساتھ ایک جائزہ میٹنگ کی صدارت کی جس میں یاتریوں کو فراہم کی جانے والی بنیادی سہولیات جن میں پینے کا پانی، بجلی، ٹیلی کمیونی کیشن کنکٹویٹی، رہائش، خوراک، صحت سہولیات، ایمرجنسی خدمات اور سیکورٹی شامل ہیں، کا تفصیلی جائزہ لیا گیا۔ اُنہوں نے یاترا رجسٹریشن کاو¿نٹر کا بھی معائینہ کیا اور رجسٹریشن کے عمل کا جائزہ لیا۔لیفٹیننٹ گورنر نے تمام محکموں کو ہدایت دی کہ وہ یاتریوں کی فلاح و بہبود کو یقینی بنانے کے لئے مشن موڈ میں کام کریں۔
