سید اعجاز
سرینگر//جموں و کشمیر حکومت نے منگل کے روز موجودہ موسمی حالات کے پیشِ نظر کشمیر وادی اور جموں صوبے کے ‘ونٹر زونز‘ تمام سرکاری اور غیر سرکاری اسکولوں میں موسمِ گرما کی تعطیلات میں 26جولائی تک توسیع کر دی۔وزیر تعلیم سکینہ ایتو نے کہا ہے کہ سکول اب 27جولائی کو دوبارہ کھلیں گے۔وزیر نے ‘ایکس’ (X) پر ایک پوسٹ میں کہا، "طلبہ اور اساتذہ کی حفاظت کو اولین ترجیح قرار دیتے ہوئے، کشمیرصوبے اور جموں ڈویژن کے سرمائی علاقوں میں تمام سرکاری اورسرکار سے تسلیم شدہ اسکولوں کے لیے گرمائی تعطیلات میں 26 جولائی تک توسیع کی ہے۔ انہوں نے کہا ہے کہ تعلیمی اداروں میں درس و تدریس کا عمل27جولائی سے دو بارہ بحال ہوگا ۔یہ فیصلہ حالیہ دنوں میں جموں و کشمیر کے کئی علاقوں میں شدید بارش اور اچانک سیلاب (فلیش فلڈز) کی صورتحالکے بعد لیا گیا ہے۔
