کلگام //وزیر برائے سماجی بہبود ، تعلیم ، صحت اور طبی تعلیم محترمہ سکینہ ایتو نے آج کلگام کے گاو¿ں کا وسیع دورہ کیا تا کہ موجودہ موسم میں شدید موسمی حالات کی وجہ سے باغات کو پہنچنے والے نقصان کا براہ راست جائیزہ لیا جا سکے ۔ وزیر نے کئی متاثرہ گاو¿ں کا دورہ کیا جن میں برویتھ ، نہامہ ، سمنو ، گوپال پورہ ، لکھدی پورہ ، ٹینگام ، باتی پورہ اور چوگل پورہ شامل ہیں ۔ وزیر کے ہمراہ ڈپٹی کمشنر کلگام ، ایس ڈی ایم نور آباد ، تحصیلدار ڈی ایچ پورہ ، چیف ہارٹیکلچر آفیسر کلگام ، اور ہارٹیکلچر ڈیپارٹمنٹ کے دیگر افسران کے علاوہ ضلعی انتظامیہ کے دیگر افسران و اہلکار بھی موجود تھے ۔ اپنے دورے کے دوران محترمہ سکینہ ایتو نے پھل کاشتکاروں سے بات چیت کی ، باغات کا معائینہ کیا اور کاشتکاری برادری کو پہنچنے والے نقصانات کے بارے میں تفصیلی رائے لی ۔ کاشتکاروں نے وزیر موصوفہ کو اولے اور تیز عدرات ہواو¿ں کے بعد پھلوں کی فصلوں کو شدید نقصان ، پتوں کے جھڑنے اور پھل دار درختوں کو نقصان پہنچنے کی سنگینی سے آگاہ کیا ۔
