سرینگر //وزیر اعلیٰ مسٹر عمر عبداللہ نے آج یہاں الوچی باغ میں 25.87 کروڑ روپے کے جدید مشینی قصاب خانے کا سنگِ بنیاد رکھا ، جو سرینگر شہر کے لئے ایک منظم ، صحت مند اور سائینسی طور پر منظم گوشت پروسیسنگ سہولت قائم کرنے کی طرف ایک اہم قدم ہے ۔ سرینگر شہر میں جدید مشینی بھیڑ و بکری قصاب خانے کی تعمیر میں کیپیکس/ایس اے ایس سی آئی کے تحت ای پی سی موڈ پر ٹیسٹنگ اور کمیشننگ شامل ہے ۔ وزیر اعلیٰ عمر عبداللہ نے کہا کہ جدید قصاب خانہ سرینگر کے گوشت پروسیسنگ انفراسٹرکچر کو عصری معیارات کے مطابق لانے کی طرف ایک اہم قدم ہو گا ۔ اس موقع پر وزیر اعلیٰ کے مشیر مسٹر ناصر اسلم وانی ، رُکن پارلیمنٹ ( راجیہ سبھا ) گوروندر سنگھ اوبرائے ، رُکن پارلیمنٹ لال چوک شیخ احسن احمد ، کمشنر سرینگر میونسپل کارپوریشن اور دیگر متعلقہ افسران موجود تھے ۔ مجوزہ ذبح خانہ کی پروسیسنگ صلاحیت تقریباً پانچ ہزار بھیڑوں اور بکریوں یومیہ ہو گی ، جو اسے ملک کے سب سے بڑے مختص میکانائزڈ بھیڑ اور بکری ذبح خانوں میں سے ایک بنائے گی ۔ اس سہولت میں جدید میکانائیزڈ نظام شامل ہوں گے جو ذبح کرنے ، لاشوں کی ہینڈلنگ ، پروسیسنگ ، چلنگ ، کولڈ سٹوریج ، صفائی ستھرائی ، ضمنی مصنوعات کے انتظام اور دیگر متعلقہ کارروائیوں کا احاطہ کریں گے ۔
کمشنر ایس ایم سی نے وزیر اعلیٰ کو بریف کیا کہ یہ منصوبہ گوشت کی صفائی اور خوراک کی حفاظت کو نمایاں طور پر بہتر بنانے ، کام کے محفوظ حالات کو یقینی بنانے ، ویٹر نری اور کوالٹی کنٹرول میکانزم کو مضبوط کرنے اور سرینگر شہر کیلئے ایک باقاعدہ ، موثر اور سائنسی طور پر منظم ذبح کا نظام قائم کرنے کیلئے ہے ۔
