سید اعجاز
ترال//شمالی کشمیرکے بعد جنوبی کشمیر میں بھی بدھ اورجمعرات کی درمیانی رات کو میدانی و بالائی علاقوں میں اچھی برف باری ہوئی ہے جس کے نتیجے میں لوگوں نے راحت کی سانس لی ہے جبکہ کسانوں کے مایوس چہرے خوشی سے کھل اٹھے ۔اس دوران انتظامیہ نے بتایا علاقے میں تمام رابط سڑکوں کو قابل آمد رفت بنا لیا گیا ہے جبکہ سب ضلع میں بجلی سپلائی بھی بحال کی گئی ہے ۔دستیاب جانکاری کے مطابق ترال سب ضلع میں رواں سیزن کی پہلی برف باری ہوئی ہے جس دوران یہاں بالائی علاقوں میں8اینچ سے1فٹ برف ریکارڑ ہوئی ہے جبکہ میدانی علاقوں میں3سے6اینچ برف باری ہوئی ہے ۔مقامی لوگوں نے بتایا بدھ اور جمعرات کی درمیانی رات کو علاقے میں برف باری ہوئی ہے اور اس دوران جب وہ صبح نیند سے بیدار ہوئے تو انہوں نے برف کی چادر بچھی ہوئی دیکھی ہے ۔اس دوران تازہ برف باری سے علاقے کی تمام رابط سڑکیں برف سے ڈھک گئی تھی جبکہ انتظامیہ نے صبح سویرے پہلے ہسپتال سمیت اہم دفاتر تک سڑک کو بحال کر کے ترال کو وادی کے باقی علاقوں سے جوڑنے والی تین اہم شاہراﺅں ترال نودل،ڈاڈسرہ اور اننت ناگ سڑکو ں کو بحال کیا گیا ہے جس کے بعد باقی رابط سڑکوں کو بحال کیا گیا ہے انتظامیہ کے ایک افسر نے بتایا کہ تمام سڑکوں کو قابل آمد رفت بنا لیا گیا ہے جبکہ میونسپل کمیٹی ترال کے صفائی کمرمچاریوں نے یہاں ہسپتال ،خانقاہ اور باقی اندرونی سڑکوں کو قابل آمد رفت بنا لیا ہے ۔ادھر محکمہ بجلی کے اسسٹنٹ ایگزیکٹو انجینئر غلام احمد میرنے بتایا سب ضلع میں صرف ایک بجلی ٹرانسفارمر کو نقصان پہنچا ہے جبکہ 100فیصد سپلائی کو بحال کیا گیا ہے ۔تازہ برف باری کی وجہ سے کسانوں اور عام لوگوں کے چہرے کھل اٹھے کیوں کہ ترال میں میں کل اراضی کا بڑا حصہ باغات یا زرعی زمین پر مشتمل ہے جبکہ یہاں کئی دہائیوں بعد اہم چشمے اور ندی نالے سوکھ گئے تھے ۔
