ٰٰیتیم ٹرسٹ یونٹ ترال کی جانب سے تقریب منعقد

سید اعجاز
ترال// جموںو کشمیر یتیم ٹرسٹ یونٹ ترال کی جانب سے اتوار کے روزکالج روڑ پر ایک شاندار پروقار سادہ تقریب منعقد ہوئی ہے جس میںسماج کے مختلف طبقہ ہائے فکر سے تعلق رکھنے والے لوگوں کی ایک بڑی تعداد نے شرکت کی ہے ۔اس موقعے پر یہاں بیت العافیت گرلز ہاسٹل کا باضابط طور افتتاح ہوا ۔ اس افتتاحی تقریب کے موقعے پر متعدد علماءکرام نے بھی شرکت کی ہے جنہوں یتیموں کی پرورش کے حوالے سے اپنے بیان پیش کئے ۔جبکہ ٹرسٹ کے سرپرست اعلیٰ ظہور احمد ٹاک بھی اس تقریب میں خاص طور موجود رہے جنہوں نے یتیموں کے حقوق اور سماج کی زمہداری جیسے مسائل پر روشنی ڈالی۔انہوں نے ترال کے تعمیر شدہ ہوسٹل عمارت کی افادیت پر روشنی ڈالی ۔اس دوران ٹرسٹ کے ایک رضا کار محمد امین میر نے بتایا تمام لوگوں خاص کر علاقہ ترال کے لوگوں کا جنہوں نے اس ہوسٹل عمارت کی تعمیر میں تعاون کیا ۔انہوں نے بتایا اس ادارے کو نہ صرف لوگ مالی معاونت کرتے ہیں بلکہ مختلف سرکاری و غیر سرکاری تعلیمی ادارے بھی اپنا بھر پور تعاون پیش کر رہے ہیں جس کی وجہ سے ان بچیوں کی تعلیم بہتر اور میعاری ممکن ہو سکا۔انہوں بتایا اس وقت ادارے میں50بچیاں موجود ہیں جن کی تعلیم تربیت،رہن سہن تمام چیزیں اداہ برداشت کرا ہے ۔انہوں نے تمام لوگوں کا شکریہ ادا کیا ہے جو اس علاقے سے باہر رہنے کے باوجود اس ادارے کو تعاون کیا ۔اب اس ہوسٹل میں120سے زیادہ طالبات کی گنجائش موجود ہے ۔