عمر عبداللہ جموں کشمیر یوٹی کے پہلے وزیراعلیٰ بنے، آج لیا عہدے کا حلف

سرینگر/16؍اکتوبر
نیشنل کانفرنس کےنائب صدر عمرعبداللہ نے آج جموں وکشمیر یونین ٹریٹری کے پہلے وزیر اعلیٰ کے طور پرحلف لیا۔حلف برادری کی یہ تقریب شیر کشمیر کنوکیشن سینٹر(SKICC) سرینگرمیں منعقد ہوئی جہاں جموں وکشمیرکے لیفٹیننٹ گورنر منوج سنہا نے عمر عبداللہ اور ان کے 5کابینی وزرأ کو اپنےعہدوں کوحلف دلایا جن میںنیشنل کانفرنس کے سینئرلیڈر سریندر چودھری نے( نائب وزیر اعلیٰ) جاوید ڈار،سکینہ یتو، جاوید رانا اور ستیش شرما شامل ہیں۔حلف براداری کی اس تقریب میں جن نمایاں لیڈروں نے شرکت کی ان میں سینئر کانگریس لیڈر اور لوک سبھا میں اپوزیشن کے لیڈر راہل گاندھی، کانگریس جنرل سیکریٹری پرینکا گاندھی، سماج وادھی پارٹی کے صدر اکھلیش یادو، سی پی آئی (ایم) لیڈر پرکاش کرت اور نیشنل کانفرنس کے صدر ڈاکٹرفاروق عبداللہ شامل تھے اور اس موقع پر نینشل کانفرنس کے تمام لیڈران موجود تھے۔