سری نگر:۶۱ ،اکتوبر:جے کے این ایس : جموں و کشمیر کے وزیر اعلیٰ عمر عبداللہ نے بدھ کے روز کہا کہ انہوں نے وعدہ کیا تھا کہ وہ جموں کے لوگوں کو نمائندگی کی کمی محسوس نہیں ہونے دیں گے اور انہوں نے آج کی تقریب حلف برداری میں اپنے وعدے کو پورا کیا۔ جے کے این ایس کے مطابقعمرعبداللہ نے جموں و کشمیریوٹی کے پہلے وزیر اعلیٰ کے طور پر حلف لینے کے بعد نامہ نگاروں کو بتایاکہ جموں سے میں نے وعدہ کیا تھا کہ جموں کے لوگوں کو یہ محسوس نہیں ہونا چاہیے کہ وہ حکومت کا حصہ نہیں ہیں۔ جموں سے نائب وزیر اعلیٰ جموں کے لوگوں کے لیے ایک واضح پیغام ہے کہ ہم انہیں ساتھ لے کر چلیں گے۔انہوں نے کہا کہ کابینہ کی تین اسامیاں ابھی بھی خالی ہیں جنہیں بھی جلد پر کر دیا جائے گا۔
