سری نگر/08 نومبر2024ئچیئرپرسن نیشنل کونسل فار ٹیچر ایجوکیشن (این سی ٹی اِی) پروفیسر پنکج اروڑہ کی قیادت میں ایک ٹیم نے آج یہاں گورنمنٹ کالج آف ایجوکیشن ایم اے روڈ کا دورہ کیااِس دورے کا مقصد اِدارے کی طرف سے پیش کردہ اساتذہ کی تعلیمی پروگراموں کے معیارکا جائزہ اور اِدارے میں آئی ٹی اِی پی کو متعارف کرنا ہے۔
وفد میں این سی ٹی اِی کے او ایس ڈی ڈِی کے چترویدی، پروفیسر ظہور احمد گیلانی ڈین سکول آف ایجوکیشن سینٹرل یونیورسٹی آف کشمیر اورشعبہ تعلیم سینٹرل یونیورسٹی آف کشمیر ڈاکٹر فردوس احمد سوفل شامل تھے۔
کالج کی پرنسپل پروفیسر (ڈاکٹر) سیما ناز نے ٹیم کا والہانہ خیر مقدم کیا۔اُنہوں نے اس دورے پر اظہار تشکر کرتے ہوئے خطے میں اساتذہ کی تعلیم کے معیار کو بلند کرنے میں این سی ٹی اِی کے تعاون کی اہمیت پر زور دیا۔
