سرینگر//جموں و کشمیر پولیس نے بدھ کے روز یہاں لائن آف کنٹرول کے پار سے سرگرم دہشت گردوں کے گھروں پر 25مقامات پر چھاپے مارے۔حکام نے بتایا کہ یہ چھاپے سرحدی ضلع کے مختلف علاقوں میں پاکستان اور پاکستان کے زیر قبضہ کشمیر (پی او کے) سے سرگرم دہشت گردوں کے خلاف غیر قانونی سرگرمیاں (روک تھام) ایکٹ کے تحت درج مقدمات کی جاری تحقیقات کے حصے کے طور پر مارے گئے۔کشمیرنیوز سروس ( کے این ایس) کے مطابق حکا م نے مزید بتایا کہ کہ آپریشن کے دوران سی آر پی ایف کے اہلکاروں نے پولیس کی مدد کی۔انہوں نے بتایا کہ افتخار حسین اور ان کے بھائی محمد پرویز کے گھروں پر صبح 9.50بجے کے قریب ٹنڈی تارڑ میں چھاپہ مارا گیا لیکن ایک گھنٹے سے زائد تک جاری رہنے والی تلاشی کے دوران کچھ نہیں ملا۔حکام نے بتایا کہ دونوں کا ایک اور بھائی، محمد اصغر عرف "بلا” عرف "کاکا” ایک دہشت گرد ہے جو ایل او سی کے پار سے آپریٹ کر رہا ہے۔ان کا کہنا تھا کہ تلاشیاں ابھی بھی جاری ہیں اور مزید تفصیلات کا انتظار ہے۔یہ چھاپے اس خطے سے دہشت گردی کا صفایا کرنے کی حکمت عملی کے ایک حصے کے طور پر جموں بھر میں تقریباً دو درجن مقامات پر سیکورٹی فورسز کی جانب سے بڑے پیمانے پر تلاشی آپریشن کیے جانے کے ایک دن بعد ہوئے ہیں جو پچھلے سال کئی دہشت گردانہ حملوں سے لرز اٹھا تھا۔اونچائی والے علاقوں اور ایل او سی کے ساتھ جنگلاتی پٹی میں کومبنگ آپریشن دہشت گردوں کے ساتھ کسی رابطے کے بغیر اختتام پذیر ہو گئے، حکام نے مزید کہا کہ سیکورٹی فورسز نے انسداد دہشت گردی کی کارروائیوں کو تیز کر دیا ہے تاکہ اس بات کو یقینی بنایا جا سکے کہ دہشت گرد موسم سرما کا استعمال نہ کر سکیں۔
