سید اعجاز
ترال // 2 فروری : / ترال کے قصبے سے قریباً20کلو میٹر دورگوجر بستی کارملہ ترال ضلع پلوامہ کا تعمیر و ترقی کے اعتبار سے انتہائی پسماندہ علاقہ ہے جہاں سینکڑوں نفوس پر مشتمل آبادی دور جدید میں طرح طرح کے مشکلات سے دو چار ہیں ۔ تاہم ممبر اسمبلی رفیق احمد نائیک نے بتایا کی علاقے میں رابط سڑک کی سروے مکمل ہوئی ہے اور امید ہے کہ کام بہت جلد شروع ہوگا انہوں نے کہا کہ سڑک کی تعمیر کے ساتھ ہی بستی کے لوگوں کو مشکلات نے نجات ملنے کی امید ہے ۔علاقے سے تعلق رکھنے والے لوگوں نے بتایا کہ کار ملہ کشمیری بستی تک سرکار نے روڑ تعمیر کیا لیکن اسے آگے کم بیش پانچ کلو میٹرسے زیادہ تک پھیلی آبادی دور جدید میں رابط سڑک سے محروم ہے جس کی وجہ سے علاقے کی آبادی کو گونا گو مشکلات کا سامنا کرنا پڑ رہا ہے ۔لوگوں نے بتایا گاﺅں کی پسماندگی اور غریبی کا سب سے بڑی وجہ رابط سڑک کا نہ ہونا ہے۔انہوں نے بتایا اس علاقے کے مرد کسی دوسرے علاقے میں مزدوری کرنے کے لئے نہیں جا سکتے ہیںکیوں کہ یہاں لوگ گھروں سے سویرے نکلنے کے باجود پیدل سفر کر کے وقت پر نہیں پہنچتے ہیں۔ جبکہ یہاں کے97فیصد سے زیادہ بچوں نے آٹھویں یا دسویں سے آگے تعلیم نہیں حاصل کر تے ہیں۔تعلیم کو خیر باد کرنے والے طلباءنے بتایا کہ علاقے میں کئی تعلیمی اداروں کو سرکار نے قائم کیا ہے لیکن الیکن ابھی تک کوئی ہائی سکول یہاں بستی میں موجود نہیں ہے اور موسم گرما کے دوران کھیت کھلیانوں سے سفر کرنے کے باجود بچے خطرے کے باجود سکول نہیں پہنچتے ہیں۔۔ مقامی لوگوں نے مزید بتایا کہ 11سو چولہے والے اس وسیع آبادی والے علاقے میں کوئی بھی راشن گھاٹ موجود نہیں ہے اور یہاں کے صارفین کو چاول لانے کے لئے5کلو میٹر دور جانا پڑ رہا ہے ۔انہوں نے مزید بتایا سڑک کا نہ ہونا آج تک کئی مریضوں کی موت کا باعث بن گیا ہے جن میں کئی حاملہ خواتین بھی شامل ہے ۔ لوگوں نے بتایا نصف بستی کو پینے کا صاف پانی میسر نہیں ہے۔انہوں نے بتایا علاقے میںکوئی بھی معمولی طبی مرکز نہیں ہے جس کی وجہ سے آبادی علاج معالجے کے لئے بھی ترس رہی ہے ۔ لوگوں کا کہنا تھاکہ تمام سیاسی جماعتوں نے آج تک ان سہولیات کو دستیاب کرنے پر ووٹ حاصل کئے ہیں تاہم کسی نے بھی اس حوالے سے کوئی قدم نہیں اٹھایا ہے ۔ اس علاقے کے لوگوں کا سرکار سے مطالبہ ہے کہ یہاں ایک رابط سڑک اور راشن گھاٹ کو فوری طور کم سے کم باقی قائم کیا جائے۔بستی کے لوگ روز مرہ کی بنیادی سہولیات کے لئے ترس رہے ہیں ۔
علاقے میں رابط سڑک کی سروے مکمل ہوئی ہے اور امید ہے کہ کام بہت جلد شروع ہوگا:
