نائب وزیر اعلیٰ نے جے کے بی او سی ڈبلیو ڈبلیو بورڈ سے متعلق قوانین کا مجموعہ جاری کیا

جموں/03فروری2025ئنائب وزیر اعلیٰ سریندرکمار چودھری نے آج جموں وکشمیر بلڈنگ اینڈ دیگر کنسٹرکشن ورکرز ویلفیئر بورڈ (جے کے بی او سی ڈبلیو ڈبلیو بی) سے متعلق قوانین کا ایک مجموعہ جاری کیا اور مزدوروں کو دی جانے والی مختلف مراعات اُجاگر کرنے والا پوسٹر جاری کیا۔ اِس موقعہ پر سی اِی او جے کے بی او سی ڈبلیو ڈبلیو بی منیر الاسلام بھی موجود تھے۔متعلقہ قوانین کے بارے میں معلومات سے بھرا کمپنڈیم متعلقہ افراد کو ریفرل کے طور پر کام کرے گا۔بعد میں نائب وزیراعلیٰ نے متعدد وفود سے بھی ملاقات کی۔آشا کارکنوں کی وفود نے ماہانہ مراعات پر نظر ثانی ، آشا کارکنوں کو صحت کارکنوں کے طور پر ریگولرائز کرنے اور دیگر متعلقہ مسائل کا مطالبہ کیا۔کشمیر لیبر یونینز فیڈریشن نے موت کے معاملات، اَزدواجی معاملات اور دیگر متعلقہ مسائل کے حل کا مطالبہ کیا۔اِسی طرح ویری ناگ، کٹراہ، اننت ناگ، راجوری، پونچھ، ڈوڈہ کے وفود نے بھی نائب وزیرا علیٰ سریندر کمار چودھری سے ملاقات کی اور اَپنے متعلقہ علاقوں کے متعدد ترقیاتی مسائل نائب وزیر اعلیٰ کو گوش گزار کئے اور فوری ازالے کا مطالبہ کیا۔