?
ؓؓبڈگام/02مئی2025ئصوبائی کمشنر کشمیروِجے کمار بدھوری، جو اِنتخابی فہرستوں کے مبصربھی ہیں ،نے آج بڈگام میں ایک میٹنگ کی صدارت کی جس میں 27۔اسمبلی حلقہ بڈگام کے لئے اِنتخابی فہرستوں کی سپیشل سمری رویژن (ایس ایس آر۔2025)کی پیش رفت کا جائزہ لیا۔میٹنگ کانفرنس ہال بڈگام میں منعقد ہوئی جس میںضلع ترقیاتی کمشنر بڈگام اَکشے لابرو، جو کہ ڈِسٹرکٹ الیکشن آفیسر (ڈِی اِی او) بھی ہیں، نے اِنتخابی فہرستوں ایس ایس آر کے سلسلے میں اَب تک کی پیش رفت سے متعلق تفصیلی جانکاری دی۔میٹنگ کے شروعات میں 27۔اسمبلی حلقہ بڈگام کے اِی آر او نے سپیشل سمری رویژن کے تحت حاصل کی گئی پیش رفت، موصول شدہ نئی درخواستوں، اعتراضات، دعوو¿ں اور ان کے مسترد ہونے کی تفصیلات سے آگاہ کیا۔انہوں نے بتایا کہ سپیشل سمری رویژن 8 اپریل سے شروع ہو کر 24 اپریل کو مکمل ہوئی اور 5 مئی 2025ءکو 27۔اسمبلی حلقہ بڈگام کے لئے شائع کی جائے گی۔اِس موقعہ پر صوبائی کمشنر نے اِی آر او اوراے اِی آر او حکام پر زور دیا کہ وہ الیکشن کمیشن آف اِنڈیا( اِی سی آئی) کی ہدایات اور مقررہ شیڈول کے مطابق نظرثانی کا عمل مکمل کریں۔ اُنہوں نے سویپ( ایس وِی اِی اِی پی) سرگرمیوں کو تیز کرنے اور اعتراضات و دعوو¿ں کو بروقت نمٹانے پر بھی زور دیا۔اِی آر او اور اِی آر او ایس کو مزید ہدایت دی گئی کہ مکمل شدہ سمری رویژن کی جانچ پڑتال کی جائے تاکہ تمام اہل رائے دہندگان کی صد فیصد اِندراج، نئے ووٹروں کا اِضافہ اور ڈپلی کیٹ ووٹروں کو حذف کرنامقررہ وقت میں یقینی بنایا جا سکے۔
اُنہوں نے اِس بات پر زور دیا کہ 27۔اسمبلی حلقہ بڈگام میں تمام سویپ پروگراموںکو کامیابی سے مکمل کیا جائے تاکہ زیادہ سے زیادہ اہل رائے دہندگان کی رجسٹریشن ممکن بنائی جا سکے۔
میٹنگ میں اے سی آر ،اِی آر او برائے 27۔اسمبلی حلقہ بڈگام، ڈِپٹی الیکشن آفیسر ، اے اِی آر او اور مختلف سیاسی جماعتوں کے نمائندے بھی موجود تھے ۔
