آپسی تال میل اور فوری کارروائی سے ملی ٹنسی کے ایکو سسٹم کو ختم کریں گے:پرس کانفرنس میں افسران کا اظہار خیال۔

سید اعجاز
پلوامہ )اونتی پورہ(شوپیان اور پلوامہ کے ترال علاقوں میں دو کامیاب ملی ٹنسی مخالف آپریشنوں کے بعدپولیس فوج اور سی آر پی ایف کے اعلیٰ افسران کی جانب سے وکٹر فورس اونتی پورہ میں جمعہ کے روز ایک مشترکہ پریس کانفرنس منعقد کی جس دوران دونوں انکونٹروں کے حوالے سے میڈیا کو جانکاری فراہم کی گئی ہے ۔اس موقعے پر آئی جی پی کشمیر وجے کمار بدوری نے کہا ہے کہ حالیہ پہلگام حملے کے بعد فورسز کی تمام ایجنسیوں کے درمیان آپسی بہترین تال میل کی وجہ سے گزشتہ روز48گھنٹوں کے دوران 2کامیاب آپریشنوں کے دوران6سرکردہ ملی ٹینٹوں کو مار گرانے میں کامیابی ملی ۔انسپکٹر جنرل آف پولیس وی کے بردی نے بتایاکہ گزشتہ ایک مہینے سے کشمیر وادی میں ملی ٹنسی واردات کے بعد تمام ایجنسیوں کا توجہ ملکر ملی ٹنسی کو ختم کرنے پر مرکوز رہا ہے۔جبکہ ہر ایک ایجنسی نے اپنی اپنی طرف سے اس حوالے سے ”سٹریٹ جی“ بنائی اورآپسی تال میل کو قائم رکھ کر آرمی،سی آر پی ایف اورجموںو کشمیر پولیس نے مل کر یہ کامیابی حاصل کی ہے ۔انہوں نے کہا ہے کہ کیلر شوپیان اور ترال کے انکونٹر وں میں کل 6ملی ٹینٹ مارے گئے ہیں ۔آئی جی پی نے کہا ہے کہ بہترین تال میل کی مد سے ہی کامیابی حاصل کی ہے انہوں نے کہا ہم سب مل کر جموںو کشمیر خاص کر کشمیر وادی میںملی ٹنسی کے ایکو سسٹم کو جڑ سے ختم کریں گے ۔اس موقعے پر وکٹر فورس کے جنرل آفسر کمانڈنگ ( جی اوسی ) دھنجے جوشی نے کہا کہ پہلگام حملے کے بعدہم نے کچھ علاقوں کو ’فوکس ایئریا“بنایا تھا جبکہ انٹیلی ایجنسیوں کی جانب سے ہمیں خبر ملی ہے کہ برف پگلنے کے بعد ملی ٹینٹ جنگلوں کی طرف چلے گئے اور ہم نے اس بات کو مد نظر رکھ ہر پہاڑی علاقے میں فورسز کی پارٹیوں تعینات کر دیا تھا ۔انہوں نے کہا کیلر شوپیان علاقے کے حوالے سے اطلاع ملی تھی13مئی کو کہ وہاں ملی ٹینٹ ہو سکتے ہیںوہاں بھی باقی علاقوں کی طرح موجود فوجی اہلکاروں نے تین ملی ٹینٹوں کو مار گرایا ہے انہوں نے بتایا یہ علاقہ کافی اونچائی پر تھا۔ترال تصادم کے حوالے سے انہوں نے بتایاہے کہ یہاں بھی ملی ٹینٹوں کی موجودگی کے حوالے سے اطلاع ملی جس کے بعد شہریوں کو محفوظ مقامات کی جانب پہنچایا گیا ہے ۔انہوں نے کہا جہاں جہاں ملی ٹینٹ جائیں وہاں سے انہیں ڈھونڈ کر مار دیا جائے گاچاہے وہ پہاڑی علاقے ہوں گے یا میدانی۔انہوں نے دونوں انکونٹروں میں انٹیلی جنس ایجنسیوں کے رول کی تعریف کی ہے ۔جی او سی نے بتایا کیلر انکونٹر میں مارے گئے شاہد کٹے دو بڑے ملی ٹینٹ کارروائیوں میں ملوث تھا ۔اس موقعے پر آئی جی سی آر پی ایف نے پریس کانفرنس سے خطاب کرتے ہوئے کہا ہے کہ فورسز کی سبھی اہلکاروں اور ایجنسیوں نے مل کر یہ دونوں آپریشنوں کو انجام دیا ہے اس سب کے لئے تمام مبارک بادی کے مستحق ہے ۔انہوں نے کہا یہ تال میل مستقبل میں بھی جاری رہے گاتاکہ ملی ٹنسی کو مکمک طور ختم کیاجائےگا۔ ۔ انہوں نے کہا عوام کی مدد کے بغیر اایسی کامیابیاں نا مکن ہے ۔انہوں نے لوگوں کا بھی شکریہ ادا کیا ہے ۔