- سید اعجاز
ترال//ترال میں قائم نجی سکول ” الفابٹ انٹر نیشنل سکول “ ترال میں یوم مادر کے حوالے سے سنیچر کے روز ایک پروگرام منعقد ہوا ہے جس میں بچوں کے ساتھ ساتھ ان کے ماﺅں نے حصہ لیا ہے منعقدہ تقریب میں ماں کے رول کو اجاگر کیا گیا ہے۔ اس موقعے پر سکول میں زیر تعلیم بچوں نے دل موہ لینے والے الگ الگ پروگراموں کو پیش کیا جن کو سامعین نے سراہنا کی۔اس موقعے پرسکول انتظامیہ نے بھی سکول کا ایک خاکہ پیش کیا ہے ۔تقریب میں ممبر اسمبلی ترال رفیق احمد نائیک نے بطورمہمان خصوصی حصہ لیا۔ اس موقعے پر رفیق احمد نائیک نے اپنے خطاب میں زیر تعلیم بچوں کے پیش کردہ تمام پروگراموں کو سراہتے ہوئے اساتذہ اور سکول انتظامیہ کو مبارک باد پیش کی ہے ۔ انہوں نے اپنے تقریر میں پیر دستگیر صاحب ؒ کے والدہ محترمہ کی نصیحت کے ایک واقعے کو بیان کر کے کہا کہ بچوں کی زندگیوں میں ماں کا بڑا رول ہے اس لئے ہر ما ں اپنے بچے بہترین پرورش کے علاوہ بچے کی شخصیت کو بنانے میں اپنا کردار ادا کر ے۔
