منشیات سے پاک جموںوکشمیر نہ صرف وقت کی ضرورت ہے بلکہ آنے والی نسلوں کی بقاءاور بہبود کیلئے ناگزیر ہے۔ سکینہ اِیتو

سری نگر/21جولائی2025ئوزیر برائے صحت و طبی تعلیم، سماجی بہبود اور تعلیم سکینہ اِیتو نے کہا ہے کہ منشیات کے بڑھتے ہوئے ناسور کے خلاف مو¿ثر اقدام کے لئے معاشرے کے تمام طبقات، مذہبی رہنماو¿ں، سرکاری اِداروں، قانون عملانے والے اِداروں اور ہر شہری کی مشترکہ اور مستقل شمولیت وقت کی اہم ضرورت ہے۔ان باتوں کا اِظہا وزیر موصوفہ آج گورنمنٹ کالج آف ایجوکیشن (جی سی او اِی) ایم اے روڈ سری نگر میں ’منشیات سے پاک کشمیر ۔ ایک عملی قدم ‘کے موضوع پر منعقدہ ایک روزہ سمینار خطاب کرتے ہوئے کیا۔اُنہوں نے اَپنے کلیدی خطاب میں کہا کہ نوجوان نسل میں منشیات کی لت ایک خطرناک حد تک بڑھ چکی ہے اور حکومت اکیلے اس مسئلے سے نہیں نمٹ سکتی۔ اِس کے لئے علمائے کرام ، والدین، تعلیمی اِدارے، سول سوسائٹی اور تمام فریقین کی مشترکہ کوششیں ناگزیر ہیں۔
وزیر تعلیم نے زور دے کر کہا،”منشیات سے پاک جموں و کشمیرنہ صرف وقت کی ضرورت ہے بلکہ ہماری آنے والی نسلوں کی بقاءاور بہبود کے لئے ایک ناگزیر امر بن چکا ہے۔“