سری نگر/چیف سیکرٹری اَتل ڈولو نے آج ایک اعلی سطحی میٹنگ کی صدارت کی جس میں مرکزی حکومت کی کابینہ سیکرٹری کی سربراہی میں قومی ٹاسک فورس کی سفارش کردہ تعمیل میں کمی اور ڈی ریگولیشن اصلاحات کی پیش رفت کا جائزہ لیا۔میٹنگ میں پرنسپل سیکرٹری پاور ڈویولپمنٹ ڈیپارٹمنٹ، کمشنر سیکرٹری جنگلات، کمشنر سیکرٹری صنعت و حرفت، کمشنر سیکرٹری دیہی ترقیات، سیکرٹری قانون، ڈائریکٹر صنعت و حرفت جموں اور دیگر افسران بھی موجود تھے۔ دورانِ میٹنگ چیف سیکرٹری نے ٹاسک فورس کی جانب سے نشان زدہ اہم اصلاحاتی شعبوں کا جائزہ لیا اور مکمل کی جانے والی تعمیل اور واپس کی جانے والی اعتراضات کا جائزہ لیا۔ اُنہوں نے زور دیا کہ تمام اہم شعبوں میں تعمیل کے ثبوت کو بغیر کسی تاخیر کے اپ لوڈ کیا جائے۔
