سید اعجاز
ترال//جنوبی کشمیر کے دیور ترال سے تعلق رکھنے والے معروف صحافی خورشید احمد وانی کی بڑی بیٹی یُمنا خورشید کومنگل کی صبح حیدر آباد میں کالج جاتے وقت نا معلوم گاڑی نے ٹکر مار شدید زخمی کر دیا ہے اس دوران اگر چہ انہیں ہسپتال منتقل کیا گیا ہے تاہم وہ زخموں کی تاب نہ لا کر دم توڑ بیٹھی۔خاندانی ذرائع نے بتایا کہ حادثہ حیدرآباد کے حیات نگرعلاقے میں اس وقت پیش آیا جب ایک نامعلوم گاڑی نے طالبہ کو تیز رفتاری س سے چلنے کے دورن ٹکر مار دی۔ایک رشتہ دار نے بتایا کہ "وہ طالبہ کالج جا رہی تھی جب حادثہ پیش آیا۔جبکہ ڈارئیورجائے حادثے سے فوراً فرار ہو گیا۔حیدرآباد میں پولیس نے مقدمہ درج کر لیا ہے اور تصدیق کی ہے کہ واقعے میں ملوث گاڑی کا سراغ لگانے کے لیے تحقیقات شروع کر دی گئی ہیں۔ ایک پولیس اہلکار نے بتایا کہ اس حادثے کے ذمہ دار ڈرائیور کی شناخت کے لیے علاقے کی سی سی ٹی وی فوٹیج کا جائزہ لیا جا رہا ہے۔طالبہ کی میت کو ان کے آبائی گھر دیور ترال پہنچانے کے بعدسپرد خاک کیا جائے گا۔” خورشید وانی دیور ترال سے تعلق رکھتے ہیںاور، گزشتہ چھ سالوں سے حیدرآباد میں مقیم ہیں، جہاں وہ ای ٹی وی بھارت کے ساتھ بطور ایڈیٹر کام کرتے ہیں۔اس حادثے کی کی خبر منظر عام پر آنے کے ساتھ نہ ترال سب ضلع میں صف ماتم بیچھ گئی جبکہ کشمیر وادی سے تعلق رکھنے والی تمام صحافتی برادی نے پورا خاندان کے ساتھ تعزیت کا اظہار کیا ہے ۔ادھر وادی کی کئی سرگردہ صحافیوں نے سوشل میڈیا پر اس درد ناک حادثے کشمیر کی بیٹی کے فوت ہونے پر خورشید وانی کے ساتھ یکجہتی کا اظہار کیا ۔ادھر اس واقعے پر صحافتی برادری کے ساتھ ساتھ سیاسی و سماجی لیڈران جن میں ممبر اسمبلی ترال رفیق احمد نائیک ،سماجی کار کن فاروق ترالی نے پورے خاندان کے ساتھ تعزیت کا اظہار کیا ہے ۔
