سید اعجاز
سرینگر//جموں و کشمیر کے لیفٹیننٹ گورنر منوج سنہا نے جمعرات کو جموں سے شری امرناتھ جی یاترا 2026 کے پہلے جھتے کو جموں سے ہری جھنڈی دکھا کر روانہ کیا، جس کے ساتھ ہی اس یاتراکا باقاعدہ آغاز ہو گیا۔”ہر ہر مہادیوںکے نعروں کے ساتھ شردھالوں کاپہلا قافلہ پوتر گھپا کی طرف روانہ ہوا۔اس دوران یاتریوں میں زبردست جوش و خروش دیکھا گیا۔انتظامیہ ،شرائن بورڑ ،فوج پولیس اور سیکورٹی فورسز کی جانب سے سیکورٹی کے سخت انتظامات اور یاتریوں کے لئے بہتر سپولیات کا انتظام کیا گیا ہے۔پہلے قافلے میں4822یاتری 259گاڑیوں میں سوار ہو کر جموں سے یاترا کے لئے نکل گئے ہیں۔ اس موقع پر خطاب کرتے ہوئے بی جے پی کے رکن پارلیمنٹ جگل کشور شرما نے کہا کہ شری امرناتھ یاترا ہندوستان کی اہم ترین زیارتوں میں سے ایک ہے اور انہوں نے اس کے پرامن اور کامیاب انعقاد کی امید ظاہر کی۔ انہوں نے شردھالوں میں بڑھتے ہوئے جوش و خروش کا ذکر کیا اور یاترا کی کامیابی کے لیے پراتھناکی۔جموں و کشمیر میں اپوزیشن لیڈر اور بی جے پی رہنما سنیل شرما نے بھی زائرین کو مبارکباد پیش کی اور کہا کہ جے اینڈ کے شرائن بورڈ کی جانب سے کیے گئے انتظامات سفر کو آرام دہ بنائیں گے۔ انہوں نے مزید کہا کہ اس سال یاترا میں زائرین کی تعداد زیادہ ہو سکتی ہے اور یہ پچھلے تمام ریکارڈ توڑ سکتی ہے۔انہوں نے کہا، "میں پہلے جھتے کی روانگی پر مبارکباد پیش کرتا ہوں اور اس سفر کی کامیابی کے لیے دعا گو ہوں۔ جے اینڈ کے شرائن بورڈ کی جانب سے فراہم کردہ سہولیات یاترا کو مزید آرام دہ بنائیں گی۔ پچھلے سالوں کے مقابلے میں رش نمایاں طور پر زیادہ ہو سکتا ہے، اور یہ ریکارڈ توڑ دے گا۔یاترا کے موقع پر کشمیر وادی میں واقع بالتل اور پہلگام بیس کیمپوں پر عقیدت مندوں کے بڑے اجتماعات دیکھے گئے جو "بم بم بھولے” کے نعرے لگا رہے تھے۔ روانگی سے چند گھنٹے قبل، سی آر پی ایف (CRPF) کی 137ویں بٹالین کے اہلکاروں نے کے-9 (K9) یونٹ کے ہمراہ ادھم پور میں جموں-سری نگر قومی شاہراہ کی تلاشی اور سیکیورٹی کلیئرنس (سینیٹائزیشن) کا عمل مکمل کیا تاکہ یاترا کے لیے تیاری اور سیکیورٹی کو یقینی بنایا جا سکے۔
