سری نگر/ وزیر برائے زرعی پیداوار، دیہی ترقی و پنچایتی راج، اِمدادِ باہمی اور الیکشن محکمہ جات جاوید احمد ڈار نے آج یہاںسول سیکرٹریٹ سری نگر میں عوامی شکایات کے ازالے کا ایک پروگرام منعقد کیا جس میں اُنہوں نے وادی کشمیر کے مختلف اَضلاع سے آئے متعدد وفود اور اَفراد سے ملاقات کی اور اُن کی شکایات ، مسائل اور ترقیاتی مطالبات کو بغور سُنا۔
کپواڑہ، بارہمولہ، سوپور اورصوبہ کشمیر کے دیگر اضلاع کی نمائندگی کرنے والے وفود نے عوامی بنیادی ڈھانچے، دیہی ترقیات، زراعت، شہری سہولیات، روزگار، سماجی بہبود اور عوامی اہمیت کے دیگر معاملات سے متعلق مختلف مسائل وزیر موصوف کو گوش گزار کئے۔
