سول سیکرٹریٹ سری نگر میں بجٹ اور ایس ڈِی جیزکو باہم مربوط کرنے سے متعلق ورکشاپ کا انعقاد

سری نگر/سول سیکرٹریٹ میں آج ”ایس ڈی جی بجٹ ٹیگنگ اور نتائج پر مبنی مالیاتی فریم ورک“کے عنوان سے ایک ورکشاپ کا اِنعقاد کیا گیا جس کا مقصد عوامی اَخراجات ،بجٹ تخصیص اور دیرپا ترقیاتی مقاصد (ایس ڈِی جیز) کے درمیان ربط کو مضبوط بنانا تھا۔ ایڈیشنل چیف سیکرٹری شیلندر کمار نے ورکشاپ کی صدارت کی۔ اِس میں ڈائریکٹر جنرل بجٹ، ڈائریکٹر جنرل کوڈز، ڈائریکٹر جنرل ریسورسز، ڈائریکٹر جنرل آڈِٹ و ٹریننگ (اے اینڈ ٹی)، ڈائریکٹر ایس ڈِی جی، ڈائریکٹر ڈِی اِی ڈِی۔II، مختلف اِنتظامی محکموں کے ڈائریکٹرز پلاننگ اور ڈائریکٹرز فائنانس سمیت سینئر افسران اوراقوام متحدہ ترقیاتی پروگرام (یو این ڈِی پی) کے ماہرین نے شرکت کی۔