لیفٹیننٹ گورنر کے پرنسپل سیکرٹری نتیشور کمار نے آج رام بن کا دورہ کیا اور چندر کوٹ میں شری اَمرناتھ جی شرائین بورڈیاتری نواس کے تعمیراتی کام کا جائزہ لیا۔پرنسپل سیکرٹری کے ہمراہ صوبائی کمشنر جموں ڈاکٹر راگھو لنگر ، ڈپٹی اِنسپکٹر جنرل ڈی کے آر رینج سنیل گپتا ، ایدیشنل سی اِی او اَمرناتھ جی شرائین بورڈراہل سنگھ ، ضلع ترقیاتی کمشنر رام بن مسر ت الاسلام ، ایس ایس پی رام بن موہتا شرما،اے ڈی سی ہربنس لال ، اے سی آر دھیریندر شرما، چیف اِنجینئر سی پی ڈبلیو ڈی ، جے کے ایس پی ڈی سی کے سینئر اَفسران بھی تھے۔پرنسپل سیکرٹری نے موقعہ پر ہی جائزہ لیا اور دیگر متعلقہ کاموں کے علاوہ یاتریوں کے لئے بنائی جارہی سہولیات کے بارے میں معلومات حاصل کی۔اُنہوں نے یاتریوں کی سہولیت کے لئے شناکت شدہ بلاکوں میں کھانے اورکمبل کے ذخیرہ کی گنجائش پیدا کرنے ، اِستقبالیہ اور رجسٹریشن مراکز قائم کرنے اور تمام نمایاں مقامات پر سائن بورڈ لگانے کی ہدایت دی۔پرنسپل سیکرٹری نے یاتری نواس سائٹ پر لنگروں کے قیام کے لئے تجویز کردہ مقامات کا معائینہ کرنے کے بعدنے ایس اے ایس بی اور ضلع اِنتظامیہ کے افسران کو اس کے لئے ایک جامع منصوبہ تیار کرنے کی ہدایات دیں۔اُنہوں نے پانی اور بجلی کی فراہمی کے منصوبوں کی پیش رفت کا بھی جائزہ لیا۔ ہنگامی حالات سے نمٹنے کے لئے متبادل پاور سپلائی لائنوں کو یقینی بنانے کی خاطر جے پی ڈی سی ایل کو ہدایات جاری کی گئیں، جبکہ ایس اے ایس بی کو علاقے میں سٹریٹ لائٹیوں اور فلڈ لائٹس لگانے کے علاوہ جنریٹر سیٹ کے ذریعے بجلی کی مناسب فراہمی کو یقینی بنانے کی ہدایت دی گئی۔پرنسپل سیکرٹری نے جل شکتی محکمہ کو لنگر کی جگہوں اور دیگر شناخت شدہ مقامات پر پانی کی فراہمی کے مناسب اِنتظامات کرنے کی ہدایت دی ۔ اُنہوں نے ایس اے ایس بی کو یاتریوں کی سہولیت کے لئے پینے کے پانی کو فلٹر اور صاف کرنے کے لئے واٹر آر او نصب کرنے کی مزید ہدایت دی۔پرنسپل سیکرٹری نے یاتری نواس کی مؤثر انتظامیہ، ٹریفک، پارکنگ، دیکھ ریکھ، طبی اور ہنگامی خدمات، صفائی ستھرائی کے لئے جامع منصوبے تیار کرنے کی واضح ہدایات جاری کیں۔شری اَمرناتھ جی یاترا کے دوران یاتری نوِاس کو آسانی سے چلانے کے لئے سیکورٹی اور عملے کے اِنتظامات پر بھی بات چیت کی گئی۔ پرنسپل سیکرٹری نے چیف انجینئر سی پی ڈبلیو ڈی کو ہدایت دی کہ وہ تمام 17 ڈارمیٹریوں کی کھڑکیوں پر نیٹ لگائیں اور وہاں دیگر مقررہ سہولیات کو یقینی بنائیں۔ضلع ترقیاتی کمشنر نے جانکاری دی کہ واٹر سپلائی سکیم پر کام جاری ہے اور ضلعی اِنتظامیہ کی طرف سے روزانہ کی بنیاد پر نگرانی کی جا رہی ہے تاکہ منصوبوں کی مقررہ مدت میں تکمیل کو یقینی بنایا جا سکے۔اِس سے قبل چیف انجینئر سی پی ڈبلیو ڈی نے پرنسپل سیکرٹری کو یاتری نواس کی موجودہ صورتحال کے بارے میں جانکاری دی۔
