ترال: ترال میں انڈور اسٹیڈیم بننے کے بعد یہاں کے نوجوان لڑکے اور لڑکیاں کھیل کود میں حصہ لینے کے ساتھ ساتھ مختلف مقابلوں میں بہترین کارکردگی کا مظاہرہ کررہے ہیں، جس کی عوامی سطح پر کافی پزیرائی ہورہی ہے۔
اسی کڑی کے تحت کھیلو انڈیا تھانگ تا سنٹر بجوانی ترال کے 06 کھلاڑی 28 ویں جونیئر نیشنل تھانگ تا چیمپئن شپ 2022 کے لیے منتخب ہوئے ہیں، جو کہ ایک خوش آئند بات ہے۔
سرینگر میل کے ساتھ بات کرتے ہوئے کھیلو انڈیا کوچ سجاد احمد نے کہا کہ ترال سے تعلق رکھنے والے چھ کھلاڑی بہترین کھیل کا مظاہرہ کرکے جونئیر نیشنل تھانگ تا چمپئن شپ کے لئے منتخب ہوئے ہیں۔
انہوں نے کہ منتخب ہوئے کھلاڑی سرینگر سے کل ہی مزکورہ چمپئن شپ میں حصہ لینے کے لئے نکلے ہیں۔
