کشمیر میں برف باری اور بارشوں کا سلسلہ تھم گیا

سید اعجاز
ترال//وادی کشمیر میں مسلسل تین روز تک موسم خراب رہنے ،برف و باراں کا سلسلہ تھم گیا ہے جس کے نتیجے میں موسم میں بہتری دیکھنے کو مل رہی ہے اس دوران جمعہ کے شدید برف باری کے نتیجے میں وادی کا بیرون دنیاسے زمینی و فضائی رابطہ بھی بحال ہوا ہے۔ائر پورٹ اتھارٹی نے بتایا رن وے سے برف ہٹائی گئی ہے اورآج سے وقت پر پروازیں اُران بھریں گے۔ادھر سرینگر جموںو شاہراہ کو قابل آمد رفت بنانے کے بعد آمد رفت کے لئے بحال کیا گیا ۔اور شاہراہ پر دونوں طرف سے چھوٹی گاڑیں چل سکتے ہیں ۔خیال رہے وادی کشمیر میں شدید برف باری کے باعث کشمیر کا بیرون وادی کے ساتھ رابطہ منقطع ہوا تھا جو آج بحال ہوا ہے محکمہ موسمیات نے آج سے18جنوری تک موسم خشک رہنے کی پیش گوئی کی ہے۔