سری نگر:26،مارچ: بھارتیہ جنتا پارٹی کے ضلع پریزیڈنٹ پلوامہ لطیف احمد بٹ نے قصبہ یار راجپورہ کے کئی علاقوں کا دورہ کیا اور لوگوں کو درپیش مسائل کا جائزہ لیا۔ یہاں منعقدہ ایک پروگرام میں پہلے وزیر اعظم نریندر مودی کی من کی بات کو لوگوں کی ایک بڑی تعداد نے سنا۔اس موقع پر بی ڈی سی چیرمین محترم روبینہ جی،اسرار احمد،اور محمد شفیع کے علاوہ دیگر پارٹی کارکنان موجود تھے۔مختلف علاقوں سے آئے ہوئے بڑی تعداد میں لوگوں نے ان سے ملاقات کی اور کئی مسائل ان کی نوٹس میں لائے۔اس موقع پر بھارتیہ جنتا پارٹی کے ضلع پریزیڈنٹ پلوامہ لطیف احمد بٹ نے لوگوں کو یقین دلایا کہ علاقے کی تعمیر و ترقی کے حوالے جو بھی جائز مطالبات ہونگے ان کو پورا کیا جائے گا۔ضلع پریزیڈنٹ نے ایک بڑے اجتماع سے خطاب کرتے ہوئے کہا کہ وہ لوگوں کے مسائل سننے کے لیے ہر ایک حلقے میں جائیں گے تاکہ ان کے مسائل اور مشکلات کا ازالہ کیا جاسکے۔انہوں نے لوگوں سے کہا ہے کہ اگر انہیں بجلی، سڑک اور پانی کے حوالے سے کوئی بھی مسلہ درپیش ہے اس کو بی جے پی کی نوٹس میں لائیں تاکہ ان کو انتظامیہ کے ساتھ اٹھا کر حل کرنے کی کوشش کی جائےہ
