سری نگر:28،اپریل محکمہ یوتھ سروس اینڈ سپورٹس ضلع کولگام و محکمہ سوشل فارسٹی کولگام کی اشتراک سے عالمی آربر دن منایا گیا، جس میں فیزیکل ایجوکیشن زون کولگام کے مختلف اسکولوں کے طلبہ و طالبات، یوتھ سروس اینڈ سپورٹس کے ملازمین، محکمہ سوشل فارسٹی کے ملازمین اور گورنمنٹ بائز ماڈل ہائر ہائر سیکنڈری اسکول چولگام کولگام کے عملہ وغیرہ اس موقع پر موجود تھے، محکمہ یوتھ سروس اینڈ سپورٹس آفسر کولگام غلام حسن لون بطور مہمان خصوصی شریک ہوئے۔اس دوران اس موقع پر محکمہ کی جانب سے شجرکاری بھی کی گئی، جس میں یوتھ سروس اینڈ سپورٹس آفسر کولگام غلام حسن ، توصیف احمد کھانڈے بلاک سوشل فارسٹ آفسر، پرنسپل گورنمنٹ بائز ماڈل ہائر سیکنڈری اسکول کولگام عبدل قیوم ،زونل فیزیکل ایجوکیشن آفسر صاحبان، جن میں عبدل عزیز کھانڈے، نسار احمد وانی، خرشید احمد ڈار، طلبہ و طالبات نے اس موقع پر پودے لگائے، اسکے بعد محکمہ کی جانب سے گورنمنٹ بائز ماڈل ہائر سیکنڈری اسکول کولگام میں ایک تقریب کا اہتمام کیا گیا،جس میں طلبہ و طالبات نے اس عالمی آربر دن کے موقع پر اپنے خیالات کا اظہار کیا، آخر پر طلبہ و طالبات میں انعامات تقسیم کیں گئے.
