سری نگر:28،اپریل: پولیس نے شمالی کشمیر کے ایک دکان دار کو دکان کے کپڑے تبدیل کرنے والے کمرے میں خفیہ کمیرہ نصف کرنے کے الزام میں ایک دکاندار کو ایک شکایت موصول ہونے کے بعد گرفتار کر لیا ہے۔پولیس نے جمعہ کو ایک بیان میں بتایا اس حوالے سے ایک کیس درج کر کے مزید تحقیقات کو تیز کر دیا گیا ہے ۔کشمیر نیوز سروس ( کے این ایس ) کے مطابق پولیس نے شمالی کشمیر کے ضلع بارہمولہ میں اپنے ریڈی میڈ دکان کے چینجنگ روم میں گاہکوں کی خفیہ ویڈیو ریکارڈنگ کرنے کے الزام میں ایک دکاندار کو گرفتار کیا ہے۔جمعہ کے روز موصولہ ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس تھانہ چندوسہ کو ایک کمسن لڑکی جس کے ساتھ اس کی بہن تھی، کی طرف سے 26 اپریل 2023کو ایک تحریری شکایت موصول ہوئی جس میں اس نے بتایا کہ وہ 26اپریل 2023کو بانڈی پائین میں عجاز احمد صوفی ولد غلام نبی صوفی ساکن بانڈی پائین چندوسہ کے ریڈی میڈ دکان پر گئی اور کچھ کپڑے پسند کرکے ان کو ٹرائل کرنے کے لئے چینجنگ روم میں چلی گئی۔بیان میں کہا گیا: ‘چینجنگ روم میں داخل ہونے کے بعد اس کو ایک چھپا ہوا موبائل فون ملا جو کپڑے بدلتے وقت گاہک کی ویڈیو ریکارڈ کرنے کے لئے وہاں رکھا گیا تھا۔پولیس ترجمان نے کہا کہ شکایت پر فوری کارروائی کرتے ہوئے پولیس اسٹیشن چندوسہ میں ایک کیس درج کرکے تحقیقات شروع کی گئیں۔انہوں نے کہا کہ تحقیقات کے دوران ایس ایچ او پولیس اسٹیشن چندوسہ کی قیادت میں ایک ٹیم تشکیل دی گئی اور ملزمکو حراست میں لیا گیا۔انہوں نے کہا کہ ملزم کا موبائل فون ضبط کیا گیا اور اس ضمن میں مزید تحقیقات جاری ہیں۔کشمیر اس طرح کی اپنی نوعیت کے پہلے واقعے کی وجہ سے عوامی حلقوں نے شدید برہمی اور غم و غصے کا اظہار کیا ہے کیوںکہ گزشتہ کچھ وقت سے کشمیر وادی ایسے جرائم نے جنم لیا ہے جن کے بارے میں عام کشمیری بے خبر تھا ۔روز روز کے نئے جرائم نے ایک عام اور سادہ انسان کو انتہائی ذہنی پریشانیوں میں مبتلا کیا ہے ۔
