سرینگر 05 جولائی // بارہمولہ میں پولیس نے ایک سیکس ریکیٹ کا پردہ فاش کرتے ہوئے 06 افراد کو گرفتار کیا ہے۔
پولیس کو باوثوق ذرائع سے اطلاع ملی تھی کہ بس اسٹینڈ بارہمولہ کے قریب کرائے کے مکان میں کچھ افراد غیر اخلاقی سرگرمیوں میں ملوث ہیں۔ اطلاع پر کارروائی کرتے ہوئے ڈی وائی ایس پی ہیڈکوارٹر بارہمولہ کی نگرانی میں ایس ایچ او پولیس اسٹیشن بارہمولہ کی قیادت میں پولیس پارٹی نے سیکس ریکیٹ کا پردہ فاش کیا۔ یہ ریکٹ ایک کرایہ دار چلا رہا تھا جس کی شناخت لطیف احمد چیچی ولد محمد یونس چیچی ساکنہ ملنگم بانڈی پورہ کے نام سے ہوئی تھی، اس کے علاوہ الطاف احمد ڈار ولد غلام احمد ڈار ساکنہ کرالہار بارہمولہ، خورشید احمد چیچی ولد عبدالرشید چیچی ساکنہ ملنگم بانڈی پورہ، منظور احمد خان ولد سیف الدین خان ساکنہ قاضی ہمام بارہمولہ اور دو خواتین سیکس ورکرز کو بھی حراست میں لیا گیا۔
اسی مناسبت سے ایف آئی آر نمبر 136/2023 کے تحت قانون کی متعلقہ دفعات کے تحت پولیس اسٹیشن بارہمولہ میں مقدمہ درج کرکے مزید تفتیش شروع کردی گئی ہے۔
پولیس نے ایک بار پھر شہریوں سے درخواست کی کہ وہ کرایہ پر اپنے مکانات/کمرے/دکانیں دینے سے پہلے کرایہ دار کی تصدیق کر لیں۔
