بارہمولہ پولیس نے دور دراز کے علاقے کے طلباءکے لیے تعلیمی سرگرمیوں کو فروغ دینے اور ان کی مدد کرنے کی اپنی کوششوں کے ساتھ ساتھ ضلع کے اندر اچھے پولیسنگ اورعوامی تعلقات استوار کرنے کے لیے، ڈی آئی وسطی کشمیر بارہمولہ شری ایس ویوک گپتا-آئی پی ایس کے زیراہتمام ”سوک ایکشن پروگرام” نے آج نئی قائم کی گئی پولیس پبلک لائبریری فتح گڑھ ناروا کا افتتاح کیا۔افتتاحی تقریب میں ایس ایس پی بارہمول شری امود اشوک ناگپورے آئی پی ایس، سی او 46 آر آر کرنل پرتیک شرما، ایس پی ہیڈکوارٹر بارہمولہ محترمہ دیویا ڈی آئی پی ایس، ڈی وائی ایس پی ہیڈکوارٹر بارہمولہ شری الطاف احمد-جے کے پی ایس، ڈی وائی ایس پی ڈی اے آر ڈی پی ایل بارہمولہ ، پرنسپل ہائرسیکنڈری سکول فتح گڑھ، ایس ایچ او پولیس اسٹیشن شیری ، چیئرمین سیو یوتھ سیو فیوچر شیخ وجاہت فاروق، سول سوسائٹی کے اراکین، علاقے کے معززین اور بارہمولہ کے میڈیا برادری نے بھی شرکت کی۔اس موقع پر خطاب کرتے ہوئے ڈی آئی جی وسطی کشمیر نے طلبہ پر زور دیا کہ وہ بہتر اور کامیاب مستقبل کے لیے اپنی پڑھائی کو سنجیدگی سے لیں، انھوں نے اس بات پر بھی زور دیا کہ ہر کسی کو کھیلوں کی سرگرمیوں میں حصہ لینا چاہیے کیونکہ اس سے خود اعتمادی، ارتکاز،دماغی صحت اور جسمانی صلاحیتوں کو بڑھانے میں مدد ملتی ہے۔ انہوں نے یہ بھی کہا کہ طلباءکو چاہیے کہ وہ وقت کو اپنی توانائی کو صحیح سمت میں استعمال کریں۔
