سری نگر13 اگست : کے این ایس : ضلع بارہمولہ کے پوشوان کالونی پیرنیاں بونیار کے مقام کے قریب سرینگر مظفر آباد شاہرہ پر سڑک کے ایک دلدوز حادثے میں ایک شخص لقمہ اجل بن گیا جبکہ تین دیگر زخمی ہوگئے جن کو فوری طور پر ہسپتال منتقل کیا گیا ہے کے مطابق ایک اسکارپیوگاڑی زیر رجسٹریشن نمبر JK05D/5842 ایک جے کے ایس آر ٹی سی بس زیر رجسٹریشن نمرJK01Y-1004 کے درمیان زور دار ٹکر ہوئی جس دوران دونوں گاڑیوں میں دونوں ڈرئیوروں سمیت ایک درجن مسافر زخمی ہوئے۔ تمام زخمیوں کو فوری طور پولیس اور لوگوں نے پرئمری ہیلتھ سنٹر بونیار لایا جہاں سے چار زخمی مسافروں کومزید علاج و معالجے کے لئے گورنمنٹ میڈیکل کالج بارہمولہ منتقل کیا گیا۔ میڈیکل سپرانٹنڈنٹ جی ایم سی بارہمولہ ڈاکٹر پرویز مسعودی نے بتایا کہ اس حادثے میں چار زخمی کو جی ایم سی بارہمولہ لایا گیا۔ جن میں سے خون میں لت پت محراج الدین اہنگر نامی اسکارپیو ڈرئیور کو صورہ میڈیکل انسٹچوٹ سرینگر منتقل کرنا پڑا تاہم وہ راستے میں ہی دم توڑ بیٹھا۔جب کہ دیگر کو چوٹیں آئی ہیں، جن میں فریکچر وغیرہ شامل ہے۔انہوں نے کہا کہ مزید تین زخمیوں کا علاج معالجہ جی ایم سی بارہمولہ میں ہو رہا ہے۔ بونیار پولیس نے اس حوالے سے ایک مقدمہ درج کر لیا ہے۔
